Malakae 2:17 - mzwDBL

¹⁷ He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Malakae 2:17 ပူးပေါင်းရင်းမြစ်များ

Job Tɔn 34:17

Nɛn waa hah kasinteŋ la ɛɛ won nyiŋi nɛra nɛ aa? Hɛɛ won pwah Korowii waa kana o waa toɡre la aa?

Job Tɔn 34:36

Dɛ he nyiŋi Job waa bini ka tonaa, hɛɛ nao kɛ o dɛ bol waa kɛŋɔ wechɔɡ-ɛɛ.

Job Tɔn 36:17

Kɛ taraken he dɔ deŋnetɛra ɡɛ aa chɛa kɛ ba kpɔ tɛɛ.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Aesaya 1:14

N bambile aa he Korobifala Tɔpejena dii ne tɔpejena haa lea cheɡ dɛɛ di kwa dɛɛ lɛ sie a ta la lawɛ. Name te n koɔh, a le n mee.

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 43:22

Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 17:15

Juda tena teŋɔ dɛɛ bol n be ŋɔ, ‘Leperaa waa Korowii aa ŋɔa aa chiɡu la dɔɔ? Gel á ba ya na.’

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Ɛsekeɛl 16:43

He ta ɡɛ maa ɛɛ he toli saŋ la liire, dɛ ka ɛ waa maa kia nɔ bwa, dɛ ir n bandia, a waa mɛɛ ba he deŋne tɛra la. Ɛrɛɛ he berɛ kpɔ jwamane ja waa maa kia la bwa ta nɔɔ? Men Nemenɛ Korowiirii bola.’ ”

Ɛsekeɛl 18:25

Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Emɔs 2:13

Taraken, mɛɛ tiɡrii do harɛ kɛŋɔ torɔɡo yon che bone kohona dɛ tire kon ta la.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Malakae 2:14

He dɛ bɔɔ ŋɔ, ‘Ɛrɛ waa Korowii vɛh yaa nɔɔ?’ A kaa ɛ kɛŋɔ he ne he bonɔɔne saŋ haah Korowii aa ɛ danseɛ a ta ken, dɛkalkɛ he chɔɡ fɔo haa ŋwɛɛra Korowii sie ŋɔ o ɛ he haah la.

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.