Malakae 2:14 - mzwDBL

¹⁴ He dɛ bɔɔ ŋɔ, ‘Ɛrɛ waa Korowii vɛh yaa nɔɔ?’ A kaa ɛ kɛŋɔ he ne he bonɔɔne saŋ haah Korowii aa ɛ danseɛ a ta ken, dɛkalkɛ he chɔɡ fɔo haa ŋwɛɛra Korowii sie ŋɔ o ɛ he haah la.

Malakae 2:14 ပူးပေါင်းရင်းမြစ်များ

Mumpar 2:18

Asɛ Korowii ŋɔ, “Aa were kɛŋɔ baa la ɡbo so. Mɛɛ kwaa o dɔŋee ja o nɛ, ásɛ wɛɛ chao.”

Mumpar 31:50

Dɛ berɛ ŋɔ, “Dɛ he ka dɛ fiiɡi n bihaahna nɔ kɛɛ dɛ ka mo haahna ja ba nɛ aa, a lole kɛŋɔ maa belaa do te, kɛ Korowii te ɛɛ nao.

Sɛɡla 2:17

Haah waa le o sɛnojaa habɔɔ, dɛ chɔɡ fɔo o ne o jaa fa aa fɔwa Korowii sie la,

Sɛɡla 30:20

Ŋwɛnɛ haah waa wola kasinteŋ dɔe tɛ o jaa, aa dɛ kpɔ o taa nɔ. O yon le o jaa habɔɔ ka kpɔ banfale dɛ berɛ sɔ ne, dɛ ŋɔ, ‘N ta wechɔɡa ɛɛ.’

Sɛɡla 5:20

N bie, bɔkwaa ɡela he berɛ kpɔ he te tɛ hanfale bɛl jaɔ? Bɔkwaa ɡela hɛɛ sewɛ he dɔŋ bɛl haah nɛɛ jaɔ?

Wejereme 9:9

He ne he haah haa dɛ nyinu so sodɛɛɡa dɛɛ lɛ he sie, tɔpera aa teŋa baa kaa Korowii kpɔ tɛɛ harɛ nɔ ta nɔ. Dɛkalkɛ anee chɔ le tɛɛ, he le koeh haa dɛ koh harɛ nɔ ta nyoa.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Aesaya 54:6

He do kɛŋɔ bitolo o jaa aa vɛoh aa we o nɛɛ kohona.” Kɛ Korowii yerɛ ŋɔ he ba o be, dɛ ŋɔ,

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Jeremia 42:5

Belaa ba ŋɔ n be ja ŋɔ, “Korowii yaa dɛ tomɔ laanee dɛ́ ɛ yaa danseɛ dɛ́ di yaa kasinteŋ, dɛ ya ta waa waa kpɔa tɛɛ ŋɔ he ba bol ya be la ta teŋaa.

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Sitɔɔla 11:10

Gelead nomonome la ŋɔ, “Korowiirii ya danseɛ. Yaa ɛ ɡɛ tenten haa bola nɔɔ.”

1 Samoɛl 12:5

Anee Samoɛl ŋɔ, “Korowii ne kooro waa leo laanee ɛ he danseɛ fini kɛŋɔ he ta wechɔɡe bɛlbwa n nɛɛ nae.” Asɛ ba chaŋe ŋɔ, “Ɔɔh, Korowiirii ya danseɛ.”