Malakae 2:12 - mzwDBL

¹² Kórowii le baa te bɛlbwa waa dɛɛ ɛ ɡɛ waa nɔ le Israel tena bini, hale dɛ naate sɛoh ŋɔ wɛɛ kpɔ saraha kwaa baa tɛ Koranar Bwa Kooro kwaraa noo.

Malakae 2:12 ပူးပေါင်းရင်းမြစ်များ

1 Webena 25:8

Ba ne ba nomonome ne bechale bwa, chichare ne nɛra ba ta aa dɛ hweli, ba bil daa mɔɔ bɛlbwa jemɛ o toma waa ɛ.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Ɛsekeɛl 14:10

Naate waa la ɡɛ keame la be la ne keame la bwa di bolchɔɡe, mɛɛ tɛr ba bwa deŋnee.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Lewi Dea Tena 18:29

Nomɛlbwa waa ɛ ɡɛ waa nɔ bini bɛlbwa baa kia nɔ la chɛ kɛ bá pero le o nɛra bini.

Lewi Dea Tena 20:3

N sie ɛɛ beɡre naate nɛɛ dɛ́ pero le o nɛra bini, dɛkalkɛ lawa waa lawɛ o bie tɛ Molɛk la ɡelɔ o kpɔ doŋa kah n Dea, dɛ chɔɡ n sɔndɛɛɡe waa do ɡoroŋ la.

Emɔs 5:22

A lole kɛŋɔ he kpɔ saraha kwaa baa dɛ fuah ne mea sarahare baa tɛ mɛ, maa an lɛ. He kpɔ deŋnesɔɔhna sarahare baa tɛ mɛ te, n sie aa a taa lɛ.

Sekaria 12:7

Korowii ɛɛ tɔ sie lɛ Juda dea tena mɔɔ, ɡɛ aa ɛ Kooro Devid naanar ne nɛra baa soɡe Jerusalam la jirima bɛ Juda tena ɡwaa.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Malakae 2:10

Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Nɛra Kura 24:5

He na ɡɛ he tɛnte deene aa wera, Israel tena, he sobɔra wer.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

1 Samoɛl 3:14

Gɛ waa nɔ nomanta, n ŋwɛɛrɔ kɛŋɔ Eli ne o dem tena wechɔɡa baa ɛa la, hale kwaa kpoora kɛɛ saraha bɛlbwa ɛɛ aa won larawe tɛɛ ba.”