Malakae 2:11 - mzwDBL

¹¹ Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Malakae 2:11 ပူးပေါင်းရင်းမြစ်များ

Ɛsra 10:2

Belaa Jehiel bibaa Sɛkania waa ɛ Elam naa la bini bɛl ŋɔ Ɛsra be ŋɔ, “Ya waa ta kasinteŋ dɔe tɛ Korowii yaa dɛ tomɔ, kɛŋɔ yaa dɛ mo harɛre nɛra baa soɡa bar yaa nɔ haahna nɔ. Kɛ ane a bwa, ya Israel tena ta dɔ hwɛɡa.

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 22:11

Bane dɛ bɔ jwamane, bane ɡe lawɛ ba bii haahna, kɛɛ ba nimambii ba ne baa pɛ nya ɡbo, kɛɛ mɛɛ dɛɛ chɔ.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

Malakae 1:1

Waa Korowii aa pila baɡle o keame Malakae chaahna ta ŋɔ ó bol baɡle Israel tena laanee nɔ.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Sitɔɔla 3:6

Ba mo ba bihaahna dɛ lawɛ ba bihaahna tɛ ba ɡe ba mo, dɛɛ tomɛ ba voɡa.