Malakae 2:10 - mzwDBL

¹⁰ Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Malakae 2:10 ပူးပေါင်းရင်းမြစ်များ

Nehemia 13:29

N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Job Tɔn 31:15

Korowii waa ta mɛ do n nya tea bini laa ta ba ɡe aa? O tenten laa ta ya bwa do teene bini naa?

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 19:5

Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Kaala 24:3

Mosis aa la nɛra la be dɛ ka bol Korowii waa ne o Mmarare bwa ba be la, ba bwa kpɔ taa beŋkpoŋ sɛh ŋɔ, “Wobɛlbwa Korowii aa bol la, yaa ɛɔ.”

Kaala 24:7

Ate, dɛ kpɔ Korowii Ne Nɛwɛnyina Fɔo Tɔn la kure baɡle nɛra la. Ba bwa sɛh ŋɔ, “Yáa ɛ wobɛlbwa Korowii aa ŋɔa laanee, yaa dɛɛ teŋɛ a taa.”

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:15

Menee Korowii, he Israel Nɛŋɡoroŋ la. Menee ta heya, menee he Kooro.”

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Ɛsekeɛl 33:24

“Nɛwɛnyini bie, nɛra baa soɡe Israel harɛ bwɛjena aa paɡra ta dɛ bol ŋɔ, ‘Dɛ Abraham ɡboo, asɛ Korowii kpɔ harɛ la bwa tɛo o ɛ o kon. Kɛ ya berɔ warɛ, anomanta, o berɛ ya bwa kon pi.’

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Malakae 2:11

Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Malakae 2:8

Kɛ he sɔfore le ŋwɛnɛdɛɛɡe la ta, he webaɡla ɡelɔ nɛra ɡalɡa lɔ naa dɛ nyoɡre, dɛ chɔɡ fɔo n ne Lewi dea tena aa fɔwa la.

Matiu 10:21

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

Amanesoma Luk Aa Chwera Tɔn 1:73

O ne ya naa Abrahamee fɔwɛ fɔo la, asɛ o ŋwɛɛ ntam baɡlo

Amanesoma Luk Aa Chwera Tɔn 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta kpela. He bɛ he hwɛɡa kpɔ do Abraham nɛɛ kɛ o ɛ he nabaa nomanta, hɛɛ wonoo chwa Korowii bandia. Hé ɡel n ŋɔ he be ŋɔ, Korowii ɛɛ wonoo ɡel bwea nɔ beɡre Abraham naanar.

Amanesoma Jɔn Aa Chwera Tɔn 8:39

Anee ba ŋɔ, “Ya mɛɛɛ Abraham.” Belaa Yeesu ŋɔ, “Dɛ Abraham bii tentenee heya aa, he fe dɛ ɛ o we-ɛɛla siwi.

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

Amanesoma Jɔn Aa Chwera Tɔn 8:53

He ɡwaa ya nabaa Abraham waa sewa la kɛɛ? Korowii keamere la ɡe serewɔ. Aah dɛ ɛrɛɛ hɛɛ lii he te nɔ?”

Amanesoma Jɔn Aa Chwera Tɔn 8:56

He nabaa Abraham sie lɛo wɛɛ tamane n bala wa. O nao o baah sɔɔhno.”

We-ɛɛla 17:24

Korowiirii ta harɛ ne kwaa aa lɔ o ta bwa. On dɔ nyundua ne harɛ bwa. O waane laa chɔɔbɔra nɛwɛnyini aa maa tɛo la wa.

We-ɛɛla 17:25

Nɛwɛnyini kondikwaa waa laa o do le, waa nɛwɛnyini komɛlbwa nyin, dɛkalkɛŋɔ on dɛɛ tɛ yaa mkpa ne hweera ne komɛlbwa.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,

We-ɛɛla 7:26

Tɔ aa pera la, o na Israel tena banɛ baa yo, dɛ la ŋɔ ó ka larawe ba yoi la. O ŋɔ ba be ŋɔ, ‘Nɛmbeŋkpoŋii heya. Bɔkwaa dɔ heyaa hɛɛ yo ken ɔ?’

Tɔn Pɔɔl Aa Chwerɛ Rom Tena 4:1

He ta sie nyiŋi ya Juu tena nabaa Abraham na. Gɛ saŋ la, bɔkwaa o na yarada waa nɔ bini nɔ?

Tɔn Pɔɔl Aa Chwerɛ Rom Tena 9:10

Anɔ ɡbo laa. Rebɛka aa kpoŋe o kpara la tea la, ba bwa mɛɛ ɛ beŋkpoŋ. Ya nabaa Aesekee ba mɛɛ.

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

Ɛfesos 4:6

Ya bwa Mɛɛɛ Korowii, o lɔ beŋkpoŋ. Onee dɔ ya bwa dɛɛ ɛ toma ya bwa bini, dɛ do ya bwa nɛ.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?

Josua 24:3

Asɛ n lawɛ he nabaa Abraham le Yufretis Moo la baŋ bela, dɛ tɔ o sie ba o ne Keenan harɛ ta, dɛ swee andɛɛɡa tɛo o dɔ naanar warɛ. O lolɛ Aesek,