Malakae 1:8 - mzwDBL

⁸ Koranar Bwa Kooro ŋɔ, “He kpɔ kondɛɛra aa nyoŋa, ne anɔ la aa wola won valɛ, dɛ anɔ la bwara aa dɛ wea ba ɛ saraha tɛ mɛ naa, a ta wechɔɡa ɛɛ yaa? He kpɔ ɡɛ kwaa nɔ ka tɛ he harɛ nomoa aa, aa do o somee yaa? O sie ɛɛ lɛ he nɛɛ dɛ ɛ he wesoŋa tɛ heya aa?

Malakae 1:8 ပူးပေါင်းရင်းမြစ်များ

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Yela 20:3

Ó lii sarahare haa tɛo bwa, ásɛ dɛ lɛ sarahare haa fuah tɛo la.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Malakae 1:7

Korowii ŋɔ, “He kpɔ kondikwaa aa kah doŋa dɛɛ ba n saraha kon ta. He berɔ ŋɔ, ‘Ŋwɛnɛ besoo taa ya kpɔ doŋa kah he saraha kon laɔ?’ He ŋɔ Korowii saraha kon la ta jirima kon ɛɛ.”

Mmarare 15:21

Dɛ kondɛɛre la bɛlbwa di kirihiah o nakpala kɛɛ o sibie kɛɛ o bobɛl aa, he bɛ on kpɔ ka ɛ saraha tɛ Korowii.