Malakae 1:5 - mzwDBL

⁵ Israel tena siwi ɛɛ na ɡɛ waa nɔɔ dɛ́ ŋɔ, “Korowii kan, hale dɛɛ di kpeɡri harɛfala aa bar Israel harɛ bwa!”

Malakae 1:5 ပူးပေါင်းရင်းမြစ်များ

2 Webena 29:8

Korowii koh a wa, asɛ o baah di Juda ne Jerusalam tena nɛ, asɛ o tɛr ba deŋne nomɛlbwa bwara yɔr dɛɛ ɔmɛ. Hé ɡbabir jemɔ kɛrɛdɛ.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 39:9

Nɛra baa soɡe Israel bwɛɛre ta la ɛɛ leo ka pa dɔmkwaa la, dɛ́ kpɔ ɛ damara. Dɔmkwaa kɛŋɔ kwaa baa kpɔa dɛɛ tɔ ba te ɡbemɡbe laa ta, anjena ne anjeɡre, tori ne hɛma, ne koŋkwaa baa dɛ yo a ne laa bwa soo siwi, dɛ lampeare. Bene anuanɛ dɛ ba ta dɛ mara.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Mmarare 11:7

He siwi na wejena nɔ Korowii aa ɛa bwa sekwaraa.

Mmarare 4:3

Hé ɡbabir na ɡɛ Korowii aa ɛa Peɔ Bwejen ta siwi ne. O kpoo he bini banɔ la baa dɛ tomɛ voɡ Baal la.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

1 Samoɛl 12:16

Anomanta, hé che bela haa cheɡa, dɛ́ na wejena Korowii aa dɛ́ ba ɛɛ he siwi ta.