Malakae 1:4 - mzwDBL

⁴ Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Malakae 1:4 ပူးပေါင်းရင်းမြစ်များ

Job Tɔn 12:14

Korowii taɡɛ kon ta aa, nomɛlbwa aa won berɛ kwaaro cheɡ. O do nɛn dea aa, nomɛlbwa aa won leo.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Aesaya 34:5

Korowii kere baa tonɛ o toma nyundua aa, wɛɛ berɔɔ ba Edom tena nɛ. O pa ba bolchɔɡe cheɡ, dɛ́ kpoo ba.

Jeremia 31:17

Hwɛɡa lole tɛ heya kerekere, ásɛ he bii bwa berɛ ba ba harɛ la ta. Men Korowiirii bola.

Jeremia 49:20

Anomanta, hé no Edom tena vɔrɔwa men Korowii aa dɛ vɔrɔwe wa, ne ɡɛ maa dɛ nyin n ɛ bwɛjen Teman tena. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Jeremia 49:8

Bwɛjen Dedan tena, hé laa berɛ dɛ́ chwa! Hé ka sɔh bwebɔɔne aa luŋa bini, n dɛ ba Esɔ naanar chɔɡa, dɛkalkɛ tɔpere telo kɛ ń tɛr ba deŋne.

Jeremia 5:17

Baa di he kondikwaa bwaa, dɛ́ kpoo he bibaala ne bihaahna. Baa kpoo he peera ne naee, dɛ́ chɔɡ he ɡrepo ne fiɡ daa bwa. Baa chɔɡ he bwɛjena baa ma danjwɛkpeɡa bara, hɛɛ hwɛɡɛ a ta bwaa.”

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

Ɛsekeɛl 11:10

He ɡbaɡba harɛ taa baa ba heyaa kpoora laa ta, ásɛ nomɛlbwa jemɛ kɛŋɔ menee Korowii.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Ɛsekeɛl 25:14

N nɛra Israel tena ɛɛ yo Edom tenaa dɛ́ tɔ n wel. Baa ɡeloo Edom tena na n bandia kohona, dɛ́ jemɛ kɛŋɔ menee tɔ ba wel. Men Nemenɛ Korowiirii bola.’ ”

Ɛsekeɛl 26:14

Mɛɛ ɡeloo bwɛjen la bwetal la ɡbo ka, ásɛ nɛra baa dɛ ɛ nee toma la ɛɛ nyenɛ ba dɔɔhne o ta. Baa won kwaa vɔrɔwe bwɛjen Taaya kpa. Men Nemenɛ Korowiirii bola.

Ɛsekeɛl 35:4

Mɛɛ chɔɡ he bwɛjena bwaa a berɛ dimɡbia dɛ́ chɔ pɛɛ. Belaa hɛɛ ba jema kɛŋɔ menee Korowii.

Ɛsekeɛl 35:9

Mɛɛ chɔɡ harɛ laanee kwaraa, ásɛ nɛra aa won berɛ ba so o ta kpa. Anee hɛɛ ba jema kɛŋɔ menee Korowii.

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Emɔs 3:15

Mɛɛ paɡre ba dejena ne ba dejeɡre bwaa. Mɛɛ chɔɡ deene baa kpɔ bala nyena ɛ kwaa cheɡ a bini a do wer la bwaa. Dejena bwa ɛɛ chɔɡoo kwaraa, Men Korowiirii bola.”

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Emɔs 6:11

Dɛ Korowii ŋɔ ba taɡɛ demjena ne demjeɡre bwa ɡooɡe aa, baa taɡɛ a bwaa ɡooɡe, á paɡre buruburu ken.

Emɔs 6:2

Hé la bwɛjen Kalne ka na, dɛ́ le bela la bwɛjen Hamat, dɛ́ berɛ kaa Filisti tena bwɛjen Gat. Ba ɡwaa he harɛre anɛ nɔ naa? Ba harɛ la kan ɡwaa he kon aa?

Obadia 1:1

Waa aa dɛ ba Edom harɛ ta chiɡa Nemenɛ Korowii kpɔ baɡle Obadia laanee nɔ. Ya noɔ ɡɛ Korowii aa bol Edom harɛ wa. O tomɛ o torome bɛl harɛre nɛra be ŋɔ, “Hé ir, ya kpɔ ya te ka pu Edom tena yo.”

Obadia 1:10

Edom tena, haa cheɡɛ ŋwɛnɛchɔɡe ta kpoo he lolanar baa ɛ Jekɔb naanar nomanta, chɔɡaa hɛɛ ba chɔɡa, dɛ́ di ncho saŋ bɛlbwa dɛɛ la.

Malakae 1:3

dɛ hah Esɔ ne o naanar baa ɛ Edom tena. A habɔɔ Esɔ aa baa dɔ deŋɡarere harɛ ta so la, asɛ n chɔɡ bela bwa o berɛ kalampoŋare sobɔr.”

Matiu 12:30

Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre.