Malakae 1:11 - mzwDBL

¹¹ Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Malakae 1:11 ပူးပေါင်းရင်းမြစ်များ

1 Webena 16:25

Korowii kan, a chɛ kɛ ya kpɛɛro kohona, onee chɛ kɛ ya kpɔ duure tɛ dɛ ɡwaa voɡa.

Yela 111:9

O berɔ kwaa lɛ o nɛra, dɛ ɡel ba di ba nyu. O ne ba fɔwɛ fɔo waa do le saŋ bɛlbwa dɛɛ la. O sɔn do ɡoroŋ dɛ do ɔma kohona.

Yela 113:3

Hé kpɛɛ Korowii le wee leebɔr ba kaa wee cholibɔr.

Yela 138:5

Baa kpɔ waa haa ɛa laanee ɡo yela, dɛkalkɛ he jirima kan kohona.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Yela 45:17

N yel la ɛɛ ɡeloo hé dɔ sɔn kohona dɛɛ la, ásɛ harɛre nɛra kpɛɛre, saŋ bɛlbwa dɛɛ la.

Yela 48:10

N Naa Korowii, ɡɛ he sɔn aa kana la, ɡɛɛ nɛra ɛɛ kpɛɛre le harɛ jaɡa bwa, he kpeɡri kohona nomanta, he bol waa dɛɛ pa bole aŋwɛnɛ ta.

Yela 48:11

Nɛra haa lɔ Saayɔn Bwejen doa, hé ɡel he sie lɛ. Juda harɛ bwɛjeɡre tena ɡe sie lɛ, kɛ haa dɛ pa bole aŋwɛnɛ ta.

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.

Yela 65:9

He dɛ dawɛ ya wa, dɛ ɡel bwaala ɛɛ nɛ harɛ nɔ ta, o do wer dɛɛ ɛ konduula kohona. He ɡelɔ nenabɔɔne bwa suuɡi, nɛra dɔ kondikwaa dɛɛ di. Gɛ haa ɛa laanee teŋa nɔ,

Yela 67:2

ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

Yela 86:9

Harɛre nɛra haa ta ba bwa ɛɛ ba he siee, dɛ́ ba ɡuŋi, dɛ́ kpɔ jirima tɛ he sɔn haa dɔa.

Yela 96:8

Hé kpɛɛ Korowii, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea.

Aesaya 12:4

Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

Aesaya 12:5

Hé ɡo yela kpɛɛ Korowii, o ɛ wejena ɡa, Hé bol a waa harɛ nɔ ta nɛra bwa no.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Aesaya 45:6

N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Emɔs 9:12

Israel tena ɛɛ ka yo nɛra baa ka Edom harɛ taa, dɛ́ pɔ ba nɛ, ásɛ harɛre ta nɛra ba fa aa ɛ n nɛra la jemɛ kɛ menee ɡela a ba ɡɛ. Men Korowiirii bola.”

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

Sekaria 8:7

Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Nɛra Kura 7:74

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

Amanesoma Luk Aa Chwera Tɔn 1:10

O jo bela, asɛ nɛnlaa la bwa che buse dɛɛ soŋe Korowii ásɛ o fuh daawiile a sɔɔh aa soma la tonɛ.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

2 Tesalonika 1:12

Ya dɛ soŋe Korowii ɡɛ, ásɛ ya Dɔɔ Yeesu sɔn won dɔ jirima dɛ́ le he we-ɛɛla ta, ásɛ he ɡe ɡba won dɔ jirima dɛ́ le o be. N Naa Korowii ne ya Dɔɔ Yeesu Kristo suna waa dɛ sune ya nɛɛ dɛɛ cha yaa la nomanta, á bwa won ɛ ɡɛ.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.