Malakae 1:10 - mzwDBL

¹⁰ O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Malakae 1:10 ပူးပေါင်းရင်းမြစ်များ

2 Koranar 12:6

Kɛ Kooro Joas aa di kora bene fifraanɛ dɛ atoro la, dɛ sɔfore la ta Korowii Dea la bobɛlbwa kwaarɛ mɔɔ.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Malakae 2:12

Kórowii le baa te bɛlbwa waa dɛɛ ɛ ɡɛ waa nɔ le Israel tena bini, hale dɛ naate sɛoh ŋɔ wɛɛ kpɔ saraha kwaa baa tɛ Koranar Bwa Kooro kwaraa noo.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Amanesoma Jɔn Aa Chwera Tɔn 10:12

Nɛn waa dɛ nyiŋi peera ta dɛɛ lɛ suuɡa la, o ta do kɛ peteɡre peera la aa ɛ o kwa. Paa te la na ɡbolo bala aa, wɛɛ chwao ɡela, ásɛ o jo a bini dɛ́ lawɛ ane, dɛ́ lɔ a kar peɡre.

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.