Maeka 7:14 - mzwDBL

¹⁴ Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Maeka 7:14 ပူးပေါင်းရင်းမြစ်များ

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 143:5

N lii tɔpera aa baa kaa la, dɛ lii toma haa ɛa bwa naa, n dɛ na we-ɛɛla haa ɛa bwa.

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Kaala 33:16

Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”

Yelsom 4:1

N sɛnodɛɛɡe, na ɡɛ haa wera! He wer kohona to! He kpɔ yal bɔle he nyu, asɛ he siwinyiŋi do kɛŋɔ borɔnoma sibie. He nyumpona biro kɛŋɔ bombiŋere aa tua le Gelead Bwejen doa dɛɛ ba.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Jeremia 49:31

Hé ir ka yo harɛ o nɛra aa dɛ lii kɛ ba soɡe bosɔɔhna ta la. Ba bwɛjen ta doonyojena kɛɛ bune baa kpɔa dɛɛ kara dɔe, komɛlbwa toole dɛɛ tɔ ba ɡbemɡbe.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Wiile 5:21

N Naa Korowii, berɛ lawɛ yaa ba he be. Berɛ ɡel ya dɔ silɛɛ o fa aa lole wubwa la.

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Lewi Dea Tena 27:32

Kondɛɛre bɛlbwa bini onɔ la waa ja fi la do ɡoroŋ, dɛ ɛ men Korowii kon. Haa dɛɛ kura la, hé kpɔ konswɛm pe o bwara á chaɡle kɛ o ɛ n kon.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Obadia 1:19

Nɛra baa soɡa bɛne Nɛɡɛv pua hɛŋle ɡbo harɛ ta ɛɛ ba so Edom harɛ bwejaŋa doree, ásɛ banɔ la baa le deŋɡarere lɔɡre ba lɛ Filisti tena harɛ so. Israel tena ɛɛ ba so Efrem ne Samaria harɛre taa, ásɛ Bɛnjamen dea bii ɡe ba lɛ Gelead harɛ so.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Sefania 3:13

Israel tena baa ka harɛ la ta la aa wechɔɡaa ɛ, kɛɛ dɛ́ teŋe nyosone, kɛɛ dɛ́ neɡre ba dɔŋa. Baa dɔ komɛlbwa baa dɛ nyinii ba deŋna sɔɔh ba, baa wola nomɛlbwaa ɔmɛ.”

Sekaria 10:10

Mɛɛ berɔɔ le ba ne Ijipt harɛ taa ba, dɛ́ boa ba nyoa le Asiiria harɛ ta. Mɛɛ kpɔ baa ba Gelead ne Lɛbanɔn harɛre ta, ásɛ ba warɛ harɛre la ta baa wola a taa jo.

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Malakae 3:4

mɔɔ Korowii sie lɛ dɛ́ lɛ Juda ne bwɛjen Jerusalam nɛra saraha kwaa baa kpɔ baa tɛo la, ɡɛ a fa aa doa saŋ la.

Nɛra Kura 23:9

N cheɡɛ bwejena dor dɛ na ba, n cheɡɛ deŋɡarere ta dɛ veeh ba. N nao kɛ ba ɛ nɛra baa pere ba te, baa ba te kpɔe dɛɛ ja harɛ nɔ ta nɛra bini.

Nɛra Kura 32:1

Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Nɛra Kura 32:4

Korowii aa sɔɔh a nɛra kpeɡri nyoa dɛ lɛ tɛ ya Israel tena la wer ne kwaa dɛɛra, he bonɔɔna ɡe, ya dɔ kondɛɛra.

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Amanesoma Jɔn Aa Chwera Tɔn 17:16

Gɛ maa wola nɛra baa dɔ harɛ nɔ ta ɡbo liire nɛɛ jae la, ɡɛɛ ba ɡe aa wola ba nɛɛ jae.

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.