Maeka 6:12 - mzwDBL

¹² He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Maeka 6:12 ပူးပေါင်းရင်းမြစ်များ

Yela 120:2

N Naa Korowii, lɛɛ mɛ le nyosonteŋna baa dɛ neɡre nɛra nɔn ta.

Yela 35:20

Baa waa aa ba deŋnesɔɔhna ne bol, nyosonee ba teŋe dɛɛ dawɛ, nɛra baa wola ba bwara ne waa nyin nɛ.

Yela 78:36

Kɛ dɛ neɡra ɡboo baa neɡro, ba wobɛlbwa ta kasinteŋ ɛɛ.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Jeremia 9:8

Ba nyoa wobol do kɛŋɔ hɛm waa dɛ kpo ken, wechɔɡa ɡboo baa bol. Nyoa wobol ɡbo nee baa lea dɔŋa, kɛ ba bambile bini te ta chaahnɛ, ba dɛ haɡre dɔŋa bela.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Sefania 1:9

A ɡɛ tɔpere la, mɛɛ tɛr nɛra baa dɛ tomɛ voɡa deŋnee, ne banɔ la baa kpoo nɛra, dɛ ŋwɛ ba laala dɛ pa ka su ba voɡ baa dɛ tomɔ dea la ɡe deŋnee.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.

Tɔn Pɔɔl Aa Chwerɛ Rom Tena 3:13

Ba nyoa wobol doŋo, a sɔɔh nyosone ɡboo ba bwa. A do kɛ domkpuli aa choɡe nɛn, dɛ berɛ do kɛ tɛɡchɔɡa aa dɛ kpo ken.