Amanesoma Luk Aa Chwera Tɔn 9:48 - mzwDBL

⁴⁸ dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

Amanesoma Luk Aa Chwera Tɔn 9:48 ပူးပေါင်းရင်းမြစ်များ

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Amanesoma Mak Aa Chwera Tɔn 9:37

“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 22:26

He te ne ɡɛ waa la jaŋne. He bini nomoa la, ó ɛ o te kɛ bechala, ásɛ onɔ la waa dɛɛ nyiŋi he nɛɛ la ɡe ɛ o te kɛŋɔ nɛn waa dɛ di somanjiri.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Amanesoma Luk Aa Chwera Tɔn 7:28

N dɛ ŋɔ he be, ba lolɛ nɛnjena harɛ nɔ ta, kɛ Jɔn ɡwaa ba bwa. Kɛ nomɛlbwa waa ɛ bechala Korowii Kora la ta te berɔ ɡwaalo.”

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

1 Pita 5:6

Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.

Wepila 21:14

Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.