Amanesoma Luk Aa Chwera Tɔn 9:44 - mzwDBL

⁴⁴ “Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

Amanesoma Luk Aa Chwera Tɔn 9:44 ပူးပေါင်းရင်းမြစ်များ

2 Samoɛl 24:14

Anee Kooro Devid chaŋo ŋɔ, “N lɔ suna kohona dii ta. Maa nyin kɛ nɛwɛnyini te dɔɔ mɛ dɛ́ tɛr n deŋne, Korowii ɡbabirii dɛ́ tɛr n deŋne, dɛkalkɛ onee dɛɛ sune nɛn nɛɛ kohona.”

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Amanesoma Mak Aa Chwera Tɔn 8:31

Belaa Yeesu pa mun dɛɛ baɡle o habɔteŋra la kɛ a chɛ kɛ o Nɛn Bie la na wahala kohona waa bwa ta, ásɛ nomonome ne Sɔfonomonome ne Tɔnjerema vɛoh, ásɛ ba kpoo, ásɛ a tɔpetooro wee la, ó ir seo ta.

Amanesoma Mak Aa Chwera Tɔn 9:31

dɛkalkɛŋɔ dɛ o dɛ baɡle o habɔteŋra la wa, dɛɛ ŋɔ, “Ba dɛ ba Men Nɛn Bie lee do nɛra nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Amanesoma Luk Aa Chwera Tɔn 1:66

Nomɛlbwa waa no waa nɔ la, o liira o nyu bini ŋɔ, “Ɛrɛɛ ɡɛ bie nɔ ɛɛ ba doe yɔ?” Ba nao kɛŋɔ Korowii teŋɛ bie la nɛ.

Amanesoma Luk Aa Chwera Tɔn 18:31

Yeesu kpɔ o habɔteŋra fi dɛ banɛ la le bokɛre asɛ dɛ ŋɔ ba be ŋɔ, “Hé no! Ya dɛ kaa Jerusalam. Belaa Men Nɛn Bie wobɛlbwa Korowii keamere la aa chwera la ɛɛ ba kpela ɛɛ.

Amanesoma Luk Aa Chwera Tɔn 2:19

Asɛ Mɛɛre kpɔ waa la bwa do o nyu bini dɛɛ kari.

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Luk Aa Chwera Tɔn 9:22

Asɛ o berɛ ŋɔ, “Men Nɛn Bie la chɛ kɛŋɔ ń na waa nomonome ne Sɔfonomonome ne Tɔnjerema nɔn ta, ásɛ ba vɛɛh mɛ, dɛ́ kpo mɛ, ásɛ a tɔpetooro wee la, ń ir seo ta.”

Amanesoma Jɔn Aa Chwera Tɔn 16:31

Anee Yeesu bɔɔ ba ŋɔ, “He berɔ dɛɛ yarada mɛ taraken te naa?

Amanesoma Jɔn Aa Chwera Tɔn 16:4

N bol waa nɔ he be, ásɛ dɛ a baa ba ɡɛ naa, he won lii dɛ́ jemɛ kɛŋɔ n fa bol he be. N ta aa lɔ he be la waa maa wola he be bolɛ chɔɔ bwa la.”

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.