Amanesoma Luk Aa Chwera Tɔn 9:39 - mzwDBL

³⁹ Kwaa dɛ ir o nɛ. A ir o nɛ aa, ɡɛɛ o piɡri do lɔŋɔ, asɛ a yon kpɔɔ ɡo harɛ o beŋri chɔ, asɛ fufuɡ ɛɛ le o nyoa. A dɛ ɛo hɔhɔrɔwa mɔɔ dɛ́ le o nɛ.

Amanesoma Luk Aa Chwera Tɔn 9:39 ပူးပေါင်းရင်းမြစ်များ

Amanesoma Mak Aa Chwera Tɔn 9:18

A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”

Amanesoma Mak Aa Chwera Tɔn 9:20

Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 8:29

Pɛɛ laa baa la do lɔŋɔ la, dɛkalkɛŋɔ dɛ Yeesu tɔ sie ŋɔ kwáa la le o nɛ. Gɛɛ kwaa la yon dɛɛ ir o nɛ, asɛ baa lawɔ dɛɛ doo jɔɡrɔre. Ba doo kpɛɛ ɡe aa, ɡɛɛ o yon kuuɡa, asɛ kwaa la yon kaa o ne pua hɛŋle ɡbo harɛ ta.

Amanesoma Luk Aa Chwera Tɔn 9:38

Belaa baa bɛl kpɔ takpeɡ bol waa nɛra la bini ŋɔ, “Nomoa! N dɛ soŋe, nyiŋi n bie nɔ nɛɛ tɛ mɛ. O ɡboo n bie.

Amanesoma Luk Aa Chwera Tɔn 9:40

N soŋe he habɔteŋra la ŋɔ bá doŋa o nɛɛ tɛ mɛ, kɛ ba ta wone.”

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Wepila 9:11

A dɔ a kooro. O ɛ Bɔnsam torome waa dɛ nyiŋi Bɔnsam Bɔluŋ la ta. Hibru tena dɛ yerɔ Abadɔn, Grik tena ɡe ɛɛ yerɔ Apoleɔn. O sɔn la munii “Nɛn waa dɛ chɔɡ kwa.”