Amanesoma Luk Aa Chwera Tɔn 9:33 - mzwDBL

³³ Nɛra banɛ la aa le Yeesu be dɛɛ kaa la, Pita ŋɔ o be ŋɔ, “N Dɔɔ, a wer kɛŋɔ yaa lɔ bonɔ nɔ. Gel ya do kukure atoro, ásɛ he kpɔ bɛl, Mosis kpɔ bɛl, ásɛ Elaeja ɡe kpɔ bɛl.” Dɛ waa jemɛ waa waa dɛ bol.

Amanesoma Luk Aa Chwera Tɔn 9:33 ပူးပေါင်းရင်းမြစ်များ

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Amanesoma Jɔn Aa Chwera Tɔn 14:8

Anee Felep ŋɔ, “N Dɔɔ, baɡle yaa he Mɛɛ la, ásɛ ya baah sɔɔh yaa.”

Amanesoma Luk Aa Chwera Tɔn 5:5

Anee Seemɔn ŋɔ, “E! N Dɔɔ, jwaana ne bwaa ya le ta asauri nɔ, ya ta komɛlbwa dɔe. Kɛ haa dɔa ŋɔ ɡɛ nɔ te naa, mɛɛ ɡeloo ya ka ta.”

Amanesoma Mak Aa Chwera Tɔn 10:38

Asɛ Yeesu ŋɔ ba be ŋɔ, “Haa waa haa dɛ bol nɔ mun jemɛ. Hɛɛ wonoo nyɔ n tɛɡkpela maa dɛ ba nyɔe nɔ ane aa? Hɛɛ wonoo na hɔhɔrɔwa maa dɛ ba nae nɔ dɔŋa aa?”

Matiu 17:14

Gɛ saŋ baa le bwejen la doa dɛ tu la, ba kaa pu nɛnlaa bane. Baa bɛl den ba ɡuŋi Yeesu sie

Yela 73:28

Kɛ n te, a wer kɛŋɔ ń bɛne hen Korowii. Hen Nemenɛ Korowiirii n chwa baa marɛ, hɛɛ lɛɛ mɛ, mɛɛ bol he nyokpowaa haa ɛa bwaa baɡle nɛra.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Matiu 17:4

Anee Pita ŋɔ Yeesu be ŋɔ, “N Dɔɔ, a wer taeh kɛ yaa lɔ bonɔ nɔ! Dɛ he dɛ nyin aa, mɛɛ do kukure atoroo cheɡ bonɔ, ásɛ he kpɔ bɛl, Mosis kpɔ bɛl, ásɛ Elaeja ɡe kpɔ bɛl.”

Amanesoma Luk Aa Chwera Tɔn 9:34

Pita ta aa dɛ bol waa nɔ la, bam bɛl denɔ ba tɔ ba nɛ, asɛ ɔmee laɡ ba kɛŋɔ bam la chunchule aa baa tɔ ba nɛɛ la.

Amanesoma Luk Aa Chwera Tɔn 9:49

Belaa Jɔn ŋɔ, “N Dɔɔ, ya na baa bɛl waa kpɔ he sɔn dɛɛ doŋi kwaa nɛra nɛ, asɛ ya kaoh ŋɔ ó ɡel, dɛkalkɛŋɔ o ta ya bini bɛl ɛɛ.”