Amanesoma Luk Aa Chwera Tɔn 9:20 - mzwDBL

²⁰ Asɛ o bɔɔ ba ɡe ŋɔ, “Nɛn besoo he ɡee lii mɛ nɔ?” Anee Pita chaŋo ŋɔ, “Henee Kristo la Korowii aa ŋɔa wɛɛ tomɔɔ ó ba lɛ yaa la.”

Amanesoma Luk Aa Chwera Tɔn 9:20 ပူးပေါင်းရင်းမြစ်များ

Matiu 22:42

“Ɛrɛɛ hɛɛ lii Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laɔ? He dɛ lii kɛ ume naa yɔ?” Anee ba ŋɔ, “Devid naa.”

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 5:47

Dɛ he ne he chamene tena ɡbo dɛ bol wa aa, dɛ amee he ɛ ɡwaa he bala ɔ? Hale nɛra baa wola Korowii tomɛ ɡba won ɡɛ ɛɛ!

Amanesoma Mak Aa Chwera Tɔn 14:61

Asɛ Yeesu tɔ nyoa, o ta wobɛlbwa chaŋɛ. Asɛ nomoa la berɛ bɔɔro ŋɔ, “Henee Korowii Bie Kristo la waa ŋɔa ŋɔ wɛɛ tomɔɔ ásɛ o ba lɛ yaa la aa?”

Amanesoma Mak Aa Chwera Tɔn 8:29

O berɔ bɔɔ ba ŋɔ, “Nɛn besoo he ɡe ɛɛ lii mɛ nɔ?” Anee Pita ŋɔ, “Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa laanee hen.”

Amanesoma Luk Aa Chwera Tɔn 22:67

dɛ ŋɔ o be ŋɔ, “Dɛ henee Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la aa, bol ya no!” Anee o ŋɔ ba be ŋɔ, “Dɛ n ŋɔ he be ɡɛ noo, haa men yarada,

Amanesoma Luk Aa Chwera Tɔn 9:19

Anee ba ŋɔ, “Bane ŋɔ Jɔn o fa aa dɛ sɔ nɛra Korowii nee laanee hen. Bane ŋɔ Elaejaa hen, asɛ bane ɡe ŋɔ Korowii keamebena la bɛlee weera.”

Amanesoma Jɔn Aa Chwera Tɔn 1:41

Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 11:27

Anee o sɛh ŋɔ, “Ɔɔh, n Dɔɔ, n yaradao kɛŋɔ henee Korowii Bie Kristo baa bola ŋɔ wɛɛ ba harɛ nɔ taa la.”

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 4:29

“Hé ba ba na noo! Baa bɛl wono baɡle n waa maa dɛ ɛ bwa! Jamɔ Kristo laanee kɛɛ?”

Amanesoma Jɔn Aa Chwera Tɔn 4:42

dɛ ŋɔ haah la be ŋɔ, “A ta ɛɛ kɛŋɔ he waa haa bola la ɡboo ɡela ya yaradao. Ya ɡbaɡba ɡe aa kpɔ deŋne no o waa la name la, anee ɡela ya yarada dɛ jemɛ kɛŋɔ nɛra bwa Lɛɛree nɔ kpela.”

Amanesoma Jɔn Aa Chwera Tɔn 7:41

Bane ŋɔ, “Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laanee.” Asɛ bane ɡe tɔŋle ŋɔ, “Galilia harɛ taa Kristo la ɛɛ ba lee ba naa?

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 9:22

Sɔɔl aa dɛ bol Korowii Waa la, dɛ name kwaraa o wobol la bini ɛɛ do kpeɡri. O baɡlɔ le Korowii wobol la ta kɛŋɔ Yeesuu Kristo la kasinteŋ, anomanta, Juu tena baa soɡe Damaskɔs la ta wone tɔŋlo kpa.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.