54 Waa ba bie la jwɛɛh la, o lawɛ o nɔn dɛ kpɔ takpeɡ ŋɔ, “Bie, ir!”
O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.
Baa doŋi nɛra la bwa le dem bela tonɛ la, Yeesu jo dea bela tolo la aa chɔa la dɛ lawɛ o nɔn, asɛ tolo la ir dɛ dɔ bokpeɡa.
Asɛ o la o be dɛ ka lawɔ ir. Belaa a le o nɛ o bwara sɔɔhno, asɛ o ir dɛ daa kwaa tɛɛ ba.
Belaa Yeesu lawɛ nyoŋe la nɔn dɛ kpɔɔ le bwɛɛ la dahara dɛ ka ta nentane do o sie ta, dɛ kpɔ nɔɔra dawɛ o nɛ, dɛ bɔɔro ŋɔ, “He dɛ na bɔr aa?”
Belaa Yeesu lawɛ o nɔn o ir.
Yeesu aa tel dem bela la, o ta ɡelɛ nomɛlbwa ja o nɛɛ dɛ jo bela bie la aa chɔa la, nemenɛ Pita ne Jɔn ne Jems ne bie la nya ne o mɛɛ ɡbosoroo.
Yeesu aa ŋɔ ɡɛ la, dɛ ba dɛ mamɔ, dɛkalkɛ dɛ ba jemɔ kɛ o sewɔ.
Waa ŋɔ ɡɛ la, bie la hweera berɔ ba ja, asɛ o fuɡri ir buɡ la ta, asɛ Yeesu ŋɔ bá nyin kwaa tɛo o di.
Waa bol ɡɛ tonɛ la, o kpɔ takpeɡ dɛ yerɛ lale la ŋɔ, “Lasorɔs, le ba!”
Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.
Pita doŋi ba bwa le buse dɛ ɡuŋi harɛ, dɛ soŋe Korowii, dɛ berɛ sie lale la be dɛ ŋɔ, “Tabita, ir!” Haah la pili o sie. Waa na Pita la, o iro so.
Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.