Amanesoma Luk Aa Chwera Tɔn 8:47 - mzwDBL

⁴⁷ Belaa haah la aa naa kɛŋɔ waa won kpɔ o te sɔh la, o kpɔ bochela dɛ ka ɡuŋi Yeesu sie nɛra la bwa siwi ta, dɛ baɡle waa la aa bala o leɡo la, ne ɡɛ o weela la aa kaala buɡ la ta la.

Amanesoma Luk Aa Chwera Tɔn 8:47 ပူးပေါင်းရင်းမြစ်များ

Amanesoma Mak Aa Chwera Tɔn 5:33

Haah la aa naa ɡɛ Yeesu aa ɛa tɛo la, o kpɔ ɔmee ne bochela dɛ ba ɡuŋi o sie, dɛ bol o weela la bwa waa baɡlo.

2 Kɔrent 7:15

O lii ɡɛ he bwa fa aa dɛ no o waa ne ɡɛ he fa aa dɛ tɛo duure dɛɛ ɛ yalayala la aa, dɛ o nyina waa dɛ nyin heyaa la, dɛ jae a na dɛɛ ja.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

1 Kɔrent 2:3

N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.

Yela 2:11

Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.

We-ɛɛla 16:29

Belaa nomoa la ŋɔ bá tɛo kandea. Baa ba kandea ne la, o chwao jo Pɔɔl ne Silas be. Dɛ o dɛ ɔmɛ ɔma tenten, asɛ o bwara ɛɛ sa, asɛ o ba ɡuŋi ba sie.

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Yela 38:9

N Naa Korowii, he ɡbabir jemɛ n waa bwa aa chɔ he sie, he dɛ no n pɛma maa dɛ pɛmɛ bwa.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

Matiu 28:8

Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la.

Hosia 13:1

Efrem dea tena fa bol wa aa, Israel deene aa kaa la dɛ ɔmɛ, banee Israel tena ɛɛ duu. Kɛ Efrem dea tena tomɛ voɡ Baal, anomanta, baa serewoo.

Hosia 5:3

Israel, n jemɛ he waa bwa a chɔ n sie. He nɛra waa ta kasinteŋ dɔe, baa men Korowii tomɛ kpa.

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Amanesoma Luk Aa Chwera Tɔn 8:46

Anee Yeesu ŋɔ, “N nao kɛ nomɛl leɡ mɛ, dɛkalkɛ kpeɡri ane le n bini.”

Amanesoma Luk Aa Chwera Tɔn 8:48

Anee Yeesu ŋɔ o be ŋɔ, “Tolo, he yarada haa yarada mɛ la ɡelɔ he ɡbaŋre. Dɛɛ la. Korowii tɛɛ bosɔɔhna.”