Amanesoma Luk Aa Chwera Tɔn 8:44 - mzwDBL

⁴⁴ O jo nɛra la baah ta dɛ ka che Yeesu habɔɔ dɛ leɡe o batakaare nyoa. Buɡ la ta, dɛ chal la aa dɛ fuɡo la teŋo.

Amanesoma Luk Aa Chwera Tɔn 8:44 ပူးပေါင်းရင်းမြစ်များ

Mmarare 22:12

Nyarɛ jɔɔra do he yal haa dɛ tɔ la nyoo anaarɛ la bwa ta.”

We-ɛɛla 19:12

Dɛ nɛra kpɔ dukure ne yakwane waa leɡa dɛɛ la weela tena be, asɛ ba weelare ɛɛ le ba nɛ, asɛ ba bini banɔ la kwaa aa dɛ ir ba nɛɛ la ɡe kwaa la ɛɛ le ba nɛ.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Amanesoma Jɔn Aa Chwera Tɔn 5:13

Baa la ta wone jemɛ naate la nɛnsoo waa chaoh la, dɛkalkɛ dɛ nɛnlaa tentenee lɔ bela asɛ Yeesu koo ba bini kaa.

Amanesoma Luk Aa Chwera Tɔn 13:13

Yeesu kpɔ nɔɔra dawɛ haah la nɛ, asɛ buɡ la ta, o won pee o te, dɛ jam Korowii.

Amanesoma Luk Aa Chwera Tɔn 7:38

dɛ ba ɡuŋi Yeesu jwɛh dɛ wi ta o napaala ta, dɛ kpɔ o nyumpona fee o sinii la waa wia ta Yeesu napaala ta la, dɛ mo o napaala, dɛ fuɡe nosɔɔhsoma la fɔɡla.

Amanesoma Mak Aa Chwera Tɔn 6:56

Bobɛlbwa Yeesu aa laŋa, bwɛjeɡre ta, bwɛjena ne daamune ta la, ba kaa che weela tena ba bil yaware ta, dɛ soŋo ŋɔ ó ɡel weela tena la leɡe o batakaare nyoa. Banɔ la baa leɡo la bwa ɡbaŋrɔ.

Matiu 20:34

Yeesu dɔ tedoma tɛɛ ba, dɛ kpɔ o nɔn leɡe ba sibie. Buɡ la ta, dɛ ba sie pilo ba won dɛɛ na, dɛ teŋɛ Yeesu nɛ.

Matiu 8:3

Yeesu tɛr o nɔn dɛ leɡo dɛ ŋɔ, “N sɛoh. N ɡelɔ he bwara kwaa.” Buɡ la ta, weela la den le o nɛ.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

We-ɛɛla 5:15

Nɛra koh Yeesu toroma la toma baa dɛ ɛ la wa, dɛ che weela tena ne ba mpare ne ba kalaŋre ba bil ŋwɛnɛ nyoa, ásɛ dɛ Pita ba dɛ kaa laa, o lileo dawɛ bane nɛɛ ásɛ ba ɡbaŋre.

Matiu 9:20

Belaa haah bɛl chal aa fuɡo bene fi dɛ anɛ ba kpɔ Yeesu habɔɔ, dɛ ka leɡe o batakaare nyoa.

Amanesoma Luk Aa Chwera Tɔn 8:43

Dɛ haah bɛl ɡe lole chal ɛɛ fuɡo bene fi dɛ anɛ, o chah, o komɛlbwa tonɛ tɛɛɡa tena be. Kɛ nomɛlbwa ta wone chaoh.

Amanesoma Luk Aa Chwera Tɔn 8:45

Asɛ Yeesu bɔɔ ŋɔ, “Umee leɡ mɛ nɔɔ?” Waa bɔɔra la, nomɛlbwa ta sɛɛh. Anee Pita ŋɔ, “N Dɔɔ, nɛnlaa nɔ aa bare cheme dɛɛ taɡɛ dɔŋa nɔ, anee he berɛ dɛɛ bɔɔ naate waa leɡe naa?”