Amanesoma Luk Aa Chwera Tɔn 8:43 - mzwDBL

⁴³ Dɛ haah bɛl ɡe lole chal ɛɛ fuɡo bene fi dɛ anɛ, o chah, o komɛlbwa tonɛ tɛɛɡa tena be. Kɛ nomɛlbwa ta wone chaoh.

Amanesoma Luk Aa Chwera Tɔn 8:43 ပူးပေါင်းရင်းမြစ်များ

2 Webena 16:12

Kooro Asa aa di kora dɛ dɔ bene fifraatoro dɛ anuanaarɛ la, o we nakpaweela ane soo siwi. A lole kɛŋɔ weela la baa do kpeɡri, kɛ o ta Korowii soŋɛ ŋɔ ó chao, dɛ tɛɡre tena ɡbo bee wɛɛ la.

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Yela 108:12

Cha yaa ya won pɔ ya dɔma nɛ, nɛwɛnyini chae ɡɛ bɛlbwa naa, a bwa dɛ ɛ pɛɛpɛɛ.

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Amanesoma Mak Aa Chwera Tɔn 12:44

dɛkalkɛŋɔ o dea suuɡa bwaa o ɡbaa ba do daka nɔ bini la. Kɛ dɔɔhna la te suuɡa bini tama baa naa kɛŋɔ ba laa kpɔ aa, aa ba nɛɛ we la, anee ba kpɔ baa do la.”

Amanesoma Mak Aa Chwera Tɔn 9:18

A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”

Amanesoma Luk Aa Chwera Tɔn 13:11

Dɛ haah bɛl kwa aa dɛ ir o nɛɛ dɛ kpɔ weela ta o nɛɛ bene fi dɛ anuatoro, dɛ ɡuro waa wola won pee o te kwaraa lɔ bela.

Amanesoma Luk Aa Chwera Tɔn 13:16

Haah nɔ, Abraham naa on. Bene fi dɛ anuatoroo la Bɔnsam aa soɡe o nɛɛ dɛ chɔɡo, aah aa were kɛ bá doŋi Bɔnsam la le o nɛɛ Ona Tɔpere dɛ́ lɛo ta aa?”

Amanesoma Luk Aa Chwera Tɔn 8:27

Yeesu aa le ɡbera la bini la, baa bɛl waa ɛ bwɛɛ la te kwa aa dɛ ir o nɛɛ baa chemo. Dɛ kwaa la aa lɔ o nɛɛ biɡro, asɛ o foo o laala ta, dɛ chwa le dem dɛ ka so lala huɡribɔr.

Amanesoma Luk Aa Chwera Tɔn 8:42

Dɛ ɡɛ baa nɔ bibeŋkpoŋ waa dɔɔ, o ɛ bihaah dɛ di bene fi dɛ anɛ bwara dɛ weo wɛɛ ba sewa. Yeesu aa dɛ kaa la, dɛ nɛnlaa bane teŋɛ o nɛ, dɛ fiilo do baah ta dɛɛ taɡɔ.

Amanesoma Luk Aa Chwera Tɔn 8:44

O jo nɛra la baah ta dɛ ka che Yeesu habɔɔ dɛ leɡe o batakaare nyoa. Buɡ la ta, dɛ chal la aa dɛ fuɡo la teŋo.

Amanesoma Jɔn Aa Chwera Tɔn 9:1

Yeesu ne o habɔteŋra aa dɛ valɛ la, o na baa bɛl baa lolɔ nyoŋe.

Amanesoma Jɔn Aa Chwera Tɔn 9:21

Kɛ yaa ɡɛ aa ɛa asɛ wɛɛ na ne naate waa ɡela wɛɛ na te waa jemɛ. Amɔ hé pɛɛ o ɡbaɡba na nɔ, dɛkalkɛ o kpeɡo dɛ́ won bol wa.”

We-ɛɛla 3:2

Baa kaa tel dea la doonyoa la baa dɛ yerɔ Doonyodɛɛɡe la ta la, dɛ baa bɛl soɡe bela. Dɛ a ɡɛ baa la soɡe boobi o bechale saŋ bwa. Asɛ tɔpere bwa ba yon cheo ka so a ɡɛ doonyoa bela o kaa soŋe suuɡa nɛra baa dɛ jo Korowii Dea bela la be.

We-ɛɛla 4:22

dɛkalkɛŋɔ baa la baa chaoh la ɡwaa bene fifraanaarɛ o weela la ta, asɛ nɛra la bwa na ɡɛ baa chaoh la dɛɛ kooɡa dɛɛ jam Korowii.