Amanesoma Luk Aa Chwera Tɔn 8:35 - mzwDBL

³⁵ Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

Amanesoma Luk Aa Chwera Tɔn 8:35 ပူးပေါင်းရင်းမြစ်များ

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Aesaya 53:12

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Amanesoma Mak Aa Chwera Tɔn 5:15

dɛ la bela Yeesu aa lole la, dɛ ka na kɛ baa la konchɔɡa damanta fa aa ir o nɛɛ la, a bwa kaalɔ, o liire ba harɛ, o do laala dɛ so. Baa nao la, ba ɔmɔ.

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Amanesoma Luk Aa Chwera Tɔn 15:17

Asɛ o sie aa baa ba harɛ la, o soɡo dɛ lii o mɛɛ waa dɛ ŋɔ, ‘N mɛɛ bonɔɔna kwaraa baa lɔ o sie la di kwaa dɛɛ ka, asɛ n do bonɔ lɔr ɛɛ kpo mɛ la.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Amanesoma Luk Aa Chwera Tɔn 8:27

Yeesu aa le ɡbera la bini la, baa bɛl waa ɛ bwɛɛ la te kwa aa dɛ ir o nɛɛ baa chemo. Dɛ kwaa la aa lɔ o nɛɛ biɡro, asɛ o foo o laala ta, dɛ chwa le dem dɛ ka so lala huɡribɔr.

Amanesoma Luk Aa Chwera Tɔn 8:34

Belaa nɛra baa dɛ nyiŋi parakooni la aa na waa aa chiɡa la, ba chwa dɛ la bwɛɛ la ta, ne daamune aa bɛne bela la ta, dɛ ka bol waa aa chiɡa la bela tena be.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.