Amanesoma Luk Aa Chwera Tɔn 8:32 - mzwDBL

³² Bela la, dɛ parakooni damanta ane lɔ diŋɡoŋ bɛl ta dɛɛ di. Anee kwaa la soŋe Yeesu ŋɔ ó ɡel a kaa parakooni la nɛ, asɛ o tɛa ŋwɛnɛ.

Amanesoma Luk Aa Chwera Tɔn 8:32 ပူးပေါင်းရင်းမြစ်များ

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Aesaya 65:4

Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.

Wepila 20:7

Dɛ bene kaɡboŋ la telaa, baa pur Bɔnsamee dɛ́ yao ta.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Job Tɔn 2:6

Belaa Korowii ŋɔ Bɔnsam be ŋɔ, “A wer ɡa, n kpɔɔ do he nɔn ta, kɛ na kɛ haa on kpo.”

Job Tɔn 1:12

Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

Lewi Dea Tena 11:7

Parako ɡe aa were tɛ heyaa ne dii. A lole kɛŋɔ o pere nafikoko, kɛ waa won kwaa uɡe dɛɛ di.

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Amanesoma Luk Aa Chwera Tɔn 8:31

Anee kwaa la soŋe Yeesu ŋɔ o bɛ an doŋi ka ta bela baa dɛ ba wechɔɡ-ɛɛra bwa hɔhɔrɔwa doe la.

Amanesoma Luk Aa Chwera Tɔn 8:33

A le baa la nɛɛ dɛ ka jo parakooni la nɛ, asɛ parakooni damanta la bwa chwa biribiribiri, dɛ wili diŋɡoŋ la dɛ ka lee moo ta dɛ serewe kwaraa.