Amanesoma Luk Aa Chwera Tɔn 8:25 - mzwDBL

²⁵ Bɔr aa hela la, o bɔɔ o habɔteŋra la ŋɔ, “Ɛrɛɛ haa wola men yarada nɔɔ?” Ba ɔmɔ, ba bwa bwara hwah, asɛ baa bɔɔ dɔŋa ŋɔ, “Nɛn besoo siwii nɔ, wɛɛ bol waa peu ne nehɛma ɛɛ no o wobol nɔɔ?”

Amanesoma Luk Aa Chwera Tɔn 8:25 ပူးပေါင်းရင်းမြစ်များ

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Sɛɡla 8:29

N lole o maɡɛ bela mpo aa dɛɛ jaɡɛ, dɛ ŋɔ o bɛ bela ba ɡarɛ, ne ɡɛ saŋ waa pe harɛ mun.

Matiu 14:31

Buɡ la ta, dɛ Yeesu tel bela dɛ lawɔ dɛ ŋɔ, “He yarada aa kanɛ kwara! Ɛrɛɛ he berɛ di tɔŋla nɔɔ?”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Matiu 6:30

Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Matiu 8:10

Yeesu aa no ɡɛ la, o nyoa kpoo, o ŋɔ o habɔteŋra la be ŋɔ, “Kasinteŋ, n ta nɛn waa dɔ yarada kɛ baa nɔ nae bwa. N ta o yarada dɔŋ nae Israel tena kwaraa bini.

Matiu 8:26

Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Amanesoma Mak Aa Chwera Tɔn 4:35

Awola tenten jɔmɔra ne la, Yeesu ŋɔ o habɔteŋra la be ŋɔ bá ɡel ba kaa Galilia Moo la baŋ.

Amanesoma Luk Aa Chwera Tɔn 12:28

Kpɔɡa haa naa a do wer fini, ásɛ kere ɡbo dɛ a serewɔ ba fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Amanesoma Luk Aa Chwera Tɔn 8:24

Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.

Amanesoma Luk Aa Chwera Tɔn 8:26

Yeesu ne o habɔteŋra la tawɛ ɡbera kaa Galilia Moo la baŋ, Gerasa harɛ ta.

Amanesoma Jɔn Aa Chwera Tɔn 11:40

Anee Yeesu ŋɔ o be ŋɔ, “N ta ŋɔe ŋɔ dɛ he yarada mɛ naa, hɛɛ na ɡɛ Korowii aa dɔ jirimaa yaa?”