Amanesoma Luk Aa Chwera Tɔn 8:24 - mzwDBL

²⁴ Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.

Amanesoma Luk Aa Chwera Tɔn 8:24 ပူးပေါင်းရင်းမြစ်များ

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Matiu 14:30

Waa na ɡɛ peu la aa dɛ ta la, o berɔ ɔmɛ dɛ den dɛɛ morɛ, asɛ dɛ do lɔŋɔ ŋɔ, “N Dɔɔ, lɛɛ mɛ!”

Matiu 8:25

O habɔteŋra la kaa chumu dɛ ŋɔ, “Ya Dɔɔ, lɛ yaa! Ya dɛ ba serewa!”

Amanesoma Mak Aa Chwera Tɔn 4:39

Asɛ Yeesu ir dɛ kɔr peu la ŋɔ, “Gel!” Dɛ berɛ ŋɔ nehɛma la be ŋɔ, “Hel!” Belaa peu la ɡel, asɛ bɔr hel kerker ken.

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 4:39

Belaa o la weela te la be o chɔɔbɔr, dɛ ka che o jwɛh, dɛ kɔr o weela la, asɛ a le o nɛ o bwara sɔɔhno, buɡ la ta, o ir dɛ daa kwaa tɛɛ ba.

Amanesoma Luk Aa Chwera Tɔn 5:5

Anee Seemɔn ŋɔ, “E! N Dɔɔ, jwaana ne bwaa ya le ta asauri nɔ, ya ta komɛlbwa dɔe. Kɛ haa dɔa ŋɔ ɡɛ nɔ te naa, mɛɛ ɡeloo ya ka ta.”

Amanesoma Luk Aa Chwera Tɔn 8:25

Bɔr aa hela la, o bɔɔ o habɔteŋra la ŋɔ, “Ɛrɛɛ haa wola men yarada nɔɔ?” Ba ɔmɔ, ba bwa bwara hwah, asɛ baa bɔɔ dɔŋa ŋɔ, “Nɛn besoo siwii nɔ, wɛɛ bol waa peu ne nehɛma ɛɛ no o wobol nɔɔ?”