Amanesoma Luk Aa Chwera Tɔn 8:18 - mzwDBL

¹⁸ Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

Amanesoma Luk Aa Chwera Tɔn 8:18 ပူးပေါင်းရင်းမြစ်များ

Matiu 13:12

Anomanta, naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.

Amanesoma Luk Aa Chwera Tɔn 19:26

Asɛ nomoa la ŋɔ ba be ŋɔ, ‘Hé ɡel n ŋɔ he be ŋɔ, naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la, ɛɛ le o nɔn taa.

Matiu 25:29

Anomanta, naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

1 Kɔrent 14:37

He banɔ la haa dɛ bol ŋɔ he won Korowii kpeɡri ta cheɡa dɛ́ bol o waa la, kɛɛ he dɔ Korowii Domadɛɛɡe la, hé jemɛ kɛŋɔ waa maa chwera ba tɛ heyaa la ɛ Korowii Mmara.

1 Kɔrent 8:2

Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 10:33

A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”

Amanesoma Luk Aa Chwera Tɔn 9:44

“Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

Felepae 3:4

Dɛ bɔtɔn wa ɛɛ wonoo lɛ yaa aa, menee fe dɔ hwɛɡa kɛrɛdɛ. Dɛ nomɛlbwa ŋɔ a cheɡɛ o waa waa ɛa ta o dɔ hwɛɡa aa, menee dɔ hwɛɡa dɛ ɡwaa naate.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Sɛɡla 14:12

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.