Amanesoma Luk Aa Chwera Tɔn 8:14 - mzwDBL

¹⁴ Asɛ anɔ la ɡe aa lee sɔɔhne baah, sɔɔhne la lawa a sewɛ la ɡee nɛra baa no Korowii Waa la, asɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ waa la ɛɛ dɔ tɔnɔ la.

Amanesoma Luk Aa Chwera Tɔn 8:14 ပူးပေါင်းရင်းမြစ်များ

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Amanesoma Mak Aa Chwera Tɔn 4:19

dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 8:7

Mea la ane lee sɔɔhne baah dɛ le, sɔɔhne la kpeɡ dɛ lawa a serewe.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Amanesoma Luk Aa Chwera Tɔn 16:13

Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.”

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.