Amanesoma Luk Aa Chwera Tɔn 8:11 - mzwDBL

¹¹ Hé no sɛɡla la mun. Mea la cheɡɔ tɛ Korowii Waa la.

Amanesoma Luk Aa Chwera Tɔn 8:11 ပူးပေါင်းရင်းမြစ်များ

Matiu 13:19

Nɛra baa dɛ no Korowii Kora nɔ waa baa wola a mun jemɛ laanee do kɛ mea la aa lee ŋwɛnɛ nyoa la. Bɔnsam balaa, dɛ o baa laa waa baa noa la bwa kpɔ le ba nyu bini.

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Matiu 13:18

Hé cheɡ deŋna dɛ́ no baa waa merɛ mea la waa la mun.

Amanesoma Mak Aa Chwera Tɔn 4:13

Belaa Yeesu bɔɔ ba ŋɔ, “He ta sɛɡla la mun noɛ yaa? Dɛ he ta onɔ mun noɛ yaa, ɛrɛɛ hɛɛ ba ɛɛ dɛ no sɛɡla bwa mun nɔ?

Amanesoma Luk Aa Chwera Tɔn 8:12

Anɔ la aa lee ŋwɛnɛ nyoa jumbii ba tɔɔ di la cheɡɔ tɛ nɛra baa no Korowii Waa la, asɛ buɡ ta dɛ Bɔnsam baa laa kpɔ ba nyu bini ásɛ ba bɛ ba te kpɔ tɛ Korowii ó lɛɛ ba la.