Amanesoma Luk Aa Chwera Tɔn 7:42 - mzwDBL

⁴² A ɡɛ kema la nɛra banɛ la aa dia la, ba bɛlbwa ta wone bɔ, asɛ o kpɔ kɛ ba. A ɡɛ waa nɔ aa do ɡɛ nɔ, ba bini umee hɛɛ lii kɛŋɔ wɛɛ nyin baa la waa kohonaa yɔ?”

Amanesoma Luk Aa Chwera Tɔn 7:42 ပူးပေါင်းရင်းမြစ်များ

2 Samoɛl 14:13

Anee haah la ŋɔ, “Ɛrɛɛ he ɛ Korowii nɛra waa aa wola were ken nɔɔ? He ta ɡelɛ he ɡbaɡba bie baa lawɔ laa ta kaa bojaŋ harɛfale ta berɛ ba, anomanta, he ɡbaɡba nyoa wobol pae bolchɔɡe.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Matiu 18:27

Asɛ kooro la na o sum kohona dɛ ɡelo, dɛ kpɔ kem la kɛo.

Matiu 18:34

Kooro la kpɔ bandia ŋɔ bá kpɔ bonɔɔ la ka do dea, dɛ́ ɛo weweele ká tel ɡɛ saŋ waa dɛ ba wona bɔ kem la bwa.”

Matiu 6:12

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Amanesoma Luk Aa Chwera Tɔn 7:43

Anee Seemɔn chaŋo ŋɔ, “N dɛ lii kɛ naate o kem aa kana la, onee dɛ́ nyin baa la waa kohona.” Asɛ Yeesu ŋɔ, “Kpelaa he ŋɔ.”

Tɔn Pɔɔl Aa Chwerɛ Rom Tena 3:24

Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la.

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Kolosi 3:13

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.