Amanesoma Luk Aa Chwera Tɔn 7:29 - mzwDBL

²⁹ Nɛmpɛɛne la ne toɔ lɛɛra la kwaraa baa dɛ bɔ nɛra apoo aa no Yeesu waa la, ba sɛoh ŋɔ Korowii waa dɔ kasinteŋ. Gɛ nɛra nɔɔ Jɔn fa aa sɔ Korowii nee la.

Amanesoma Luk Aa Chwera Tɔn 7:29 ပူးပေါင်းရင်းမြစ်များ

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Matiu 5:46

Dɛ he dɛ nyin nɛra baa dɛ nyin heyaa ɡbo aa, kembɔr besoo hɛɛ ba dɔe le Korowii be nɔ? Toɔ lɛɛra baa ɛ wechɔɡ-ɛɛra ɡba dɛ nyin nɛra baa dɛ nyin ba wa.

Amanesoma Luk Aa Chwera Tɔn 20:6

Dɛ ya berɔ ŋɔ nɛn bee a le ɡe aa, nɛra nɔ baa lɔ bonɔ nɔ bwa ɛɛ foɡre yaa bwea dɛ́ kpoo yaa, dɛkalkɛŋɔ ba te bwa jemɔ kɛŋɔ Jɔn fa ɛ Korowii keame.”

Amanesoma Luk Aa Chwera Tɔn 3:12

Belaa toɔ lɛɛra baa dɛ bɔ apoo bane ba ŋɔ ó sɔ ba Korowii ne, dɛ bɔɔro ŋɔ, “Nomoa, ɛrɛɛ chɛ kɛŋɔ yá ɛɔ?”

Amanesoma Luk Aa Chwera Tɔn 7:28

N dɛ ŋɔ he be, ba lolɛ nɛnjena harɛ nɔ ta, kɛ Jɔn ɡwaa ba bwa. Kɛ nomɛlbwa waa ɛ bechala Korowii Kora la ta te berɔ ɡwaalo.”

Amanesoma Luk Aa Chwera Tɔn 7:35

“Wejereme bɛlbwa we-ɛɛla taa a che baa jemɛ kɛ o ɛ wejereme.”

We-ɛɛla 18:25

Ba fa baɡle Apolos Yeesu bwara waa ne o ŋwɛnɛre bwa, asɛ o jema, dɛ ɡe ɛɛ baɡla o bokpeɡa bwa ne. Kɛ, dɛ Jɔn o fa aa dɛ sɔ nɛra Korowii nee la waa waa baɡle nɛra Yeesu waa la ɡboo o no.

We-ɛɛla 19:3

Anee Pɔɔl berɛ kwaa pɛɛ ba ŋɔ, “Aah dɛ bɔkwa waa he sɛh ŋɔ hɛɛ ɛo mɔɔ ba sɔ heyaa Korowii nee laɔ?” Asɛ ba ŋɔ, “Jɔn waa o fa aa dɛ chaɡle laanee ya sɛh.”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 16:5

Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.