Amanesoma Luk Aa Chwera Tɔn 6:45 - mzwDBL

⁴⁵ Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa damanta aa lɔ o bambile bini, dɛkalkɛ waa aa lɔ nɛn bambile ta laanee o nyoa ɛɛ bol.

Amanesoma Luk Aa Chwera Tɔn 6:45 ပူးပေါင်းရင်းမြစ်များ

Yela 140:5

Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

Yela 59:7

No chɛɡa ne waa aa dɛ le ba nyoo, ba nyondoŋa do kɛ keri ken, kɛ dɛ ɡee lii kɛŋɔ nomɛlbwa aa ba be no.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Amanesoma Jɔn Aa Chwera Tɔn 7:38

Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Tɔn Jud Aa Chwera 1:15

dɛ́ ba bol nɛra bwa waa dɛ́ pa bole. Wɛɛ pa ba bolchɔɡe ba wechɔɡa baa ɛa dɛ vɛh Korowii waa ta teŋa la waa, dɛ́ pa nɛra baa wola Korowii tomɛ bolchɔɡe ba nɛnhɛlwobochɔɡa baa bola dɛɛ yaɡɔ la wa.”