Amanesoma Luk Aa Chwera Tɔn 6:38 - mzwDBL

³⁸ Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

Amanesoma Luk Aa Chwera Tɔn 6:38 ပူးပေါင်းရင်းမြစ်များ

2 Samoɛl 19:36

Men maa ɛ he bonɔɔ ta ɡɛ waa nɔ chɛɛ. Mɛɛ teŋɛ he nɛɛ ka ɡale Jɔɔdan Moo tama. Bɔkwa waa n ɛ tɛɛ hɛɛ tɛ mɛ a kembɔr ɔ?

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Job Tɔn 42:11

O dɔɔranar ne nimanar ne nimambii, dɛ nɛra ba fa aa jemɔ bwa ba o dem, ba ne o di kwaa dɛ lɛ ba sie. Ba bwɛɛlo dɛ larawe o bwara wenaale Korowii aa ɡela o na la wa, asɛ bɛlbwa tɛo suuɡa ne suuɡaswɛm noniseɡ.

Yela 79:12

N Naa Korowii, bɔ harɛre baa kaa la kem bele anuanɛ, chɛɡa baa dɛ chɛɡre la wa.

Kaala 21:24

Dɛ nomɛl fome he siwii aa, hé ɡe fome o siwi. Dɛ o fome he nyen aa, hé ɡe fome o nyen. O nɔnee yaa, hé ɡe ɛ o kon ɡɛ, o napaa ɡee yaa, hé ɡe ɛ o kon ɡɛ.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Jeremia 32:18

He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Amanesoma Mak Aa Chwera Tɔn 4:24

Yeesu bolɔ ŋɔ, “Hé pese waa nɔ haa noa nɔ kɛrɛdɛ, dɛkalkɛŋɔ kpelaa ba ŋɔ, ‘Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe la, dɛ́ berɛ jae ane.’

Amanesoma Luk Aa Chwera Tɔn 6:30

Dɛ nomɛl soŋe komɛl aa, tɛo. Dɛ nomɛl kpɔ he komɛl aa, bɛ o be lɛ kpa.

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.