Amanesoma Luk Aa Chwera Tɔn 6:35 - mzwDBL

³⁵ Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Amanesoma Luk Aa Chwera Tɔn 6:35 ပူးပေါင်းရင်းမြစ်များ

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Yela 145:9

He wer tɛ nomɛlbwa, dɛ dɔ tedoma tɛ kwaa haa taa bwa.

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Mak Aa Chwera Tɔn 5:7

dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N kpɔ Korowii dɛɛ soŋe, bɛ men weweele do.”

Amanesoma Luk Aa Chwera Tɔn 1:32

Wɛɛ ɛ nɛnjenii, ásɛ baa yerɔ Nemenɛ Korowii Bie. N Naa Korowii dɛ ba on o naa Devid kora la dɔŋ cheɡa ó di.

Amanesoma Luk Aa Chwera Tɔn 6:36

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

Amanesoma Jɔn Aa Chwera Tɔn 13:35

Dɛ he dɛ nyin dɔŋa aa, aa ɡeloo nɛra bwa jemɛ kpela kɛŋɔ he ɛ n habɔteŋra.”

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

2 Timoti 3:2

dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa.