Amanesoma Luk Aa Chwera Tɔn 6:28 - mzwDBL

²⁸ Hé swee andɛɛɡa dɛɛ tɛ banɔ la baa dɛ taah heya, dɛ́ soŋe Korowii dɛɛ tɛ banɔ la baa dɛ ɛ heyaa wechɔɡa la ɡe.

Amanesoma Luk Aa Chwera Tɔn 6:28 ပူးပေါင်းရင်းမြစ်များ

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

1 Kɔrent 4:12

Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

Tɔn Pɔɔl Aa Chwerɛ Rom Tena 12:14

Hé soŋe andɛɛɡa Korowii be dɛɛ tɛ nɛra baa cheɡɛ he nɛ. Hé soŋe andɛɛɡa dɛɛ tɛɛ ba, he bɛ wechɔɡa soŋe dɛɛ tɛɛ ba.

Jems 3:10

Nyoa beŋkpoŋ la taa wobodɛɛɡa ne taahna bwa ɛɛ le. Yabala, a ta chɛ kɛŋɔ aa ba ɡɛ!

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Luk Aa Chwera Tɔn 6:27

Yeesu berɔ ŋɔ, “He banɔ la haa dɛ no n waa nɔ, n dɛ ŋɔ he be ŋɔ hɛ́ɛ nyin he dɔma wa, dɛɛ ɛɛ ba wedɛɛɡa.

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

We-ɛɛla 14:5

Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe.

Ɛsekeɛl 36:5

Men Nemenɛ Korowii cheɡɛ n bandia kohona ta, dɛ bol waa yaɡɛ harɛre kabora la ne Edom harɛ bwa, dɛkalkɛ ba sie lɛo, dɛ che wedoŋa ta kpɔ n harɛ ɛ ba kon, dɛ kpɔ ba kondɛɛra dibɔra kɛŋɔ laa ta kwa.

Ɛsekeɛl 25:15

Nemenɛ Korowii ŋɔ, “Filisti tena aa ɛ Juda tena dɔma biɡri nomanta, ba dɔ liichɔɡa dɛ kpɔ nyubinikpeɡ ka tɔ ba wel Juda tena nɛ, dɛ chɔɡ ba.

1 Koranar 13:6

Asɛ kooro la ŋɔ Korowii keame la be ŋɔ, “N poori, soŋe Korowii haa dɛ tomɔ la tɛ mɛ ásɛ o chah n nɔn nɔ!” Ate, Korowii keame la soŋe Korowii, asɛ kooro nɔn la berɛ do ɡɛ o fa aa doa wubwa la.