Amanesoma Luk Aa Chwera Tɔn 6:25 - mzwDBL

²⁵ He banɔ nɔ haa vaɡra taraken nɔ, hé bwɛɛlɛ! Lɔr ɛɛ ba kpo heyaa taeh. He banɔ nɔ haa dɛ mamɛ taraken nɔ, hé bwɛɛlɛ! Hɛɛ ba wiu.

Amanesoma Luk Aa Chwera Tɔn 6:25 ပူးပေါင်းရင်းမြစ်များ

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Jems 4:9

Hé ɡel he tea bini chɔɡ, hé wi. Hé ɡel he mama berɛ wii ásɛ he silɛɛ ɡe berɛ sum.

Sɛɡla 14:13

Mama bɛl ɡelɔ tebinichɔɡ ɛɛ le nɛn nɛ, asɛ silɛɛ bɛl habɔɔ ɡe ɛɛ berɛ wii.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Ɛfesos 5:4

Hɛ́ɛ nyiŋi kɛrɛdɛ he wobol bini, dɛ bɛ wobochɔɡa ne ɡɛnewobol ne wobosale dɛɛ bol. A ta chɛ kɛ hɛ́ɛ bola. Hé ɡel he wobol ɛ Korowii kpɛɛra wa.

Amanesoma Luk Aa Chwera Tɔn 13:28

Bela la, hɛɛ na Abraham ne Aesek ne Jekɔb dɛ Korowii keamere la bwa Korowii Kora la taa, ásɛ Korowii doŋi he te ta. Belaa aa ba he nɛɛ wee, ásɛ hɛɛ wi.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Amanesoma Luk Aa Chwera Tɔn 8:53

Yeesu aa ŋɔ ɡɛ la, dɛ ba dɛ mamɔ, dɛkalkɛ dɛ ba jemɔ kɛ o sewɔ.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Aesaya 8:21

Ba bwara ɛɛ hwaoh baa valɛ harɛ la ta, lɔr ɡe kpo ba, ba kpɔ bandia ha sie nyundua dɛ́ taah ba kooro ne Korowii baa dɛ tomɔ.

Wejereme 7:6

Gɛne mama do kɛŋɔ, baa kpɔ sɔɔhne do nii ta aa parame. Anɔ ɡe ɛ wepuu.

Wejereme 7:3

Suna dii ɡwaa mama, dɛkalkɛ suna dii ɡelɔ yaa hweli waa aa wera.

Wejereme 2:2

N nao kɛŋɔ mama ɛ ɡɛnewa, pɛlchɔɡa ɡe aa wedɛɛɡa ne ba.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Yela 49:19

wɛɛ sewɔɔ ka pu o naawa, waa wola bɔr chaahnaa na kpa.

1 Samoɛl 2:5

Nɛra ba fa aa dɔ kondikwaa kohona la, ba ɛ toma tɛ ba bala mɔɔ dɛɛ di kwa, banɔ la ba fa aa dɛ chɔ lɔr ɡe dɔ dɛɛ di name. Hambara wono lolɛ bii banuanɛ, onɔ la waa dɔ bibaala kohona ɡe ta dɔe kpa.

Amanesoma Luk Aa Chwera Tɔn 6:24

He banɔ nɔ haa ɛ kondɔɔhna taraken la, hé bwɛɛlɛ! He silɛɛ bwaa hɛɛ na la.

Amanesoma Luk Aa Chwera Tɔn 6:26

He banɔ la nɛra aa dɛ bol he bwara wedɛɛɡe nɔ, hé bwɛɛlɛ! Gɛ tentenee ba naawa kpɛɛ keame nyosonteŋna baa wola Korowii nyoa waa bolɛ la.”