Awola bɛl, dɛ Israel tena dɛ huɡe nomɛl, asɛ dɛ na Moab nɛnlaa bane baa dɛ ba ba kah ba kwa. Anee Israel tena la kpɔ chɔɔ la ta bwebɔɔ baa huɡe Elaesa o bini la, dɛ chwa kaa. Chɔɔ la aa dena ka leɡe Elaesa hoɡa la, o berɔ dɔ mkpa dɛ ir che o naa ta.
Bobɛlbwa Yeesu aa laŋa, bwɛjeɡre ta, bwɛjena ne daamune ta la, ba kaa che weela tena ba bil yaware ta, dɛ soŋo ŋɔ ó ɡel weela tena la leɡe o batakaare nyoa. Banɔ la baa leɡo la bwa ɡbaŋrɔ.
Awola bɛl, dɛ Yeesu dɛ baɡle nɛra Korowii Wa, asɛ Farisii tena bane ne Tɔnjerema baa le Galilia harɛ, ne Juda harɛ bwɛɛre la bwa ta ne Jerusalam ba, dɛ ba so bela, dɛ Korowii tɛo kpeɡri asɛ wɛɛ chah weela tena.
Dɛ nɛra kpɔ dukure ne yakwane waa leɡa dɛɛ la weela tena be, asɛ ba weelare ɛɛ le ba nɛ, asɛ ba bini banɔ la kwaa aa dɛ ir ba nɛɛ la ɡe kwaa la ɛɛ le ba nɛ.
Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.