Amanesoma Luk Aa Chwera Tɔn 6:11 - mzwDBL

¹¹ Belaa Tɔnjerema la ne Farisii tena la baah di baa bol dɔŋa be ɡɛ aa chɛ kɛ bá ɛ Yeesu.

Amanesoma Luk Aa Chwera Tɔn 6:11 ပူးပေါင်းရင်းမြစ်များ

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Matiu 16:7

Ba ta o sɛɡla la mun noɛ, dɛɛ pɛɛ dɔŋa ŋɔ, “Amɔ yaa wola paanoo kpɔe waa wɛɛ bol ɡɛ naa?”

Matiu 21:45

Sɔfonomonome la ne Farisii tena la aa no ɡɛ waa nɔ la, ba jemɔ kɛ ba waa Yeesu ɛɛ bol la.

Amanesoma Luk Aa Chwera Tɔn 4:28

Nɛra baa lɔ cheremi dea bela la aa no waa nɔ la, dɛ bwaawee laɡ ba.

Amanesoma Luk Aa Chwera Tɔn 6:10

Yeesu nyiŋi nɛra la bwa, asɛ dɛ ŋɔ baa la be ŋɔ ó tɛr o nɔn. Waa tɛr o nɔn la, dɛ o nɔn la berɔ do kpeɡri.

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

Amanesoma Jɔn Aa Chwera Tɔn 11:47

Anomanta, Sɔfonomonome ne Farisii tena kaa cheme ba Juu tena nomonome baa dɛ nyiŋi ba waa bini la, dɛ ŋɔ, “Aah, ɛrɛɛ yaa ba ɛɛ taraken ɔ? Na nyokpowe-ɛɛla nɔ bwa dɔŋa baa nɔ aa dɛ ɛ.

Amanesoma Jɔn Aa Chwera Tɔn 7:1

Anɔ habɔɔ la, dɛ Galilia harɛ ta ɡboo Yeesu do dɛɛ ɡaaɡe. Dɛ waa nyin kɛ o la Juda harɛ te ta, dɛkalkɛ dɛ bela nomonome la dɛ nyin o bɔr dɛ́ kpoo.

We-ɛɛla 26:11

Dɛ n dɛ la cheremi deene bini saŋ bɛlbwa dɛ kaa ɛɛ ba hɔhɔrɔwa taeh, dɛ fe ɛɛ nyin kɛŋɔ ba bol Korowii nɛnhɛlwaa ásɛ n laɡ ba. Ba waa aa dɛ di n baah kohona nomanta, n ti ba dɛɛ la bwɛɛre aa wola Juu tena bwɛɛre ɛɛ kwaraa ta, dɛ kaa ɛɛ ba hɔhɔrɔwa.

We-ɛɛla 4:15

Asɛ ba ŋɔ Píta ne Jɔn le dea la bini ka che dahara. Dɛ ba dɛ bɔɔ dɔŋa ŋɔ,

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

We-ɛɛla 7:54

Nomonome la aa no ɡɛ Steeven aa bola la, dɛ ba baah diu, baa pwee dɛɛ chwee bobɛlbwa.

2 Timoti 3:9

Ba we-ɛɛla aa won tel sie bobɛlbwa, dɛkalkɛŋɔ ɡɛ a saŋ la tena aa na Janes ne Jambɛs ɡɛna la, ɡɛɛ nɛra ɛɛ na ba ɡe ɡɛna ɡɛ.