Amanesoma Luk Aa Chwera Tɔn 4:35 - mzwDBL

³⁵ Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 4:35 ပူးပေါင်းရင်းမြစ်များ

Yela 50:16

Kɛ Korowii ŋɔ wechɔɡ-ɛɛra la be ŋɔ, “Ɛrɛɛ me Mmarare dawɛ he nyoo hɛɛ kura, kɛɛ hɛɛ bol n ne he fɔo la waa nɔɔ?

Sekaria 3:2

Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

Matiu 17:18

Yeesu kɔr kwaa aa ɡela ɡbuŋɡbuŋri la ɛɛ ir bie la nɛɛ la, asɛ a le o nɛɛ kaa. Buɡ la ta, bie la den dɔ bokpeɡa.

Matiu 8:26

Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Amanesoma Mak Aa Chwera Tɔn 1:26

Asɛ a ir o nɛɛ dɛ ɡel o beŋri, a dooɡe lɔŋɔre mɔɔ dɛ le o nɛ.

Amanesoma Mak Aa Chwera Tɔn 4:39

Asɛ Yeesu ir dɛ kɔr peu la ŋɔ, “Gel!” Dɛ berɛ ŋɔ nehɛma la be ŋɔ, “Hel!” Belaa peu la ɡel, asɛ bɔr hel kerker ken.

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Amanesoma Luk Aa Chwera Tɔn 11:22

Kɛ dɛ bɛl ɡe berɔ do kpeɡri ɡwaalo dɛ ka puu dɛ pɔ o nɛ aa, o dɛ kpɔ o dɔmkwaa waa kpɔ o sie dawɛ a ta la, dɛ́ kpɔ o kondɔɔh ja.

Amanesoma Luk Aa Chwera Tɔn 4:23

Anee Yeesu ŋɔ ba be ŋɔ, “N jemɔ kɛŋɔ hɛɛ sɛɡ mɛɛ ŋɔ, ‘Tɛɛɡa te, chah he te. Gɛ yaa noa kɛ he ɛ Kapeeneɔm la, ɛ ane he ɡbaɡba bwɛɛ bonɔ ɡe.’ ”

Amanesoma Luk Aa Chwera Tɔn 4:39

Belaa o la weela te la be o chɔɔbɔr, dɛ ka che o jwɛh, dɛ kɔr o weela la, asɛ a le o nɛ o bwara sɔɔhno, buɡ la ta, o ir dɛ daa kwaa tɛɛ ba.

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Luk Aa Chwera Tɔn 8:24

Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.

Amanesoma Luk Aa Chwera Tɔn 9:39

Kwaa dɛ ir o nɛ. A ir o nɛ aa, ɡɛɛ o piɡri do lɔŋɔ, asɛ a yon kpɔɔ ɡo harɛ o beŋri chɔ, asɛ fufuɡ ɛɛ le o nyoa. A dɛ ɛo hɔhɔrɔwa mɔɔ dɛ́ le o nɛ.

Amanesoma Luk Aa Chwera Tɔn 9:42

Bie la aa dɛ ba la, kwaa la ɡoo harɛ dɛ ɡel o beŋri. Yeesu kɔr kwaa la, dɛ chah bie la, dɛ kpɔɔ tɛ o mɛɛ.

Wepila 12:12

Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”