Amanesoma Luk Aa Chwera Tɔn 4:34 - mzwDBL

³⁴ “Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

Amanesoma Luk Aa Chwera Tɔn 4:34 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Amanesoma Mak Aa Chwera Tɔn 1:34

O chah nɛndamanta weela bwa soo siwi aa lɔ ba nɛ, dɛ doŋi kwaa ɡe le nɛndamanta nɛ. O ta kwaa la ŋwɛnɛ tɛɛ a won bol wa, dɛkalkɛŋɔ a jemɛ o nɛnsoo.

Amanesoma Mak Aa Chwera Tɔn 5:7

dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N kpɔ Korowii dɛɛ soŋe, bɛ men weweele do.”

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 4:33

Cheremi dea bela la, dɛ baa bɛl lɔ bela, kwaa ɛɛ ir o nɛ, asɛ o do lɔŋɔ ŋɔ,

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Luk Aa Chwera Tɔn 8:28

Gɛ baa nɔ aa na Yeesu la, o chwao dɛ ba ɡuŋi o sie, dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N dɛ soŋe, bɛ men weweele do.”

Amanesoma Luk Aa Chwera Tɔn 8:37

Yeesu aa ɛ ɡɛ la, nɛra baa le baah bela la soŋo ŋɔ ó le ba harɛ ta dɛ kaa, dɛkalkɛ dɛ ɔmee tenten chole ba nɛ, asɛ o jo ɡbera la bini dɛ kaa.

We-ɛɛla 16:39

Anomanta, ba baa do ba jaŋɡbare, dɛ laɡ ba le bela baa do ba dea la, dɛ soŋ ba ŋɔ bá le bwɛɛ la ta.

We-ɛɛla 2:27

N Naa Korowii, haa he Biɡoroŋ waa soeh ba lalabwɛ. Haa ɡel o chɔ bɔɔ bini pɔh.

We-ɛɛla 3:14

Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo.

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

Hibru 2:14

Nɛra Yeesu aa dɛ yer ba bechale la, baa ɛ nɛwɛnyina dɛ dɔ bwadabii ne chal nomanta la, o ɡbabir baa berɛ nɛwɛnyini dɛ do kɛ ban, dɛ dɔ bwadabii ne chal. O ɛ ɡɛ, ásɛ dɛ won che o seo waa dɛ ba sewa ta dɛ chɔɡ naate seo aa tɛo kpeɡri nɛra nɛɛ la. Onee Bɔnsam.

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Wepila 20:2

O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,