Amanesoma Luk Aa Chwera Tɔn 4:17 - mzwDBL

¹⁷ Asɛ ba kpɔ Korowii keame Aesaya tɔn la ba do o nɔn ta. O pili tɔn la, dɛ na bela baa chwera ŋɔ,

Amanesoma Luk Aa Chwera Tɔn 4:17 ပူးပေါင်းရင်းမြစ်များ

Amanesoma Luk Aa Chwera Tɔn 16:29

Asɛ Abraham ŋɔ, ‘He nimanar la dɔ tɔne Mosis ne Korowii keamere la aa chwera la, á ja ba. A chɛ kɛ ba kura dɛ́ no waa baa dɛ bol.’

Amanesoma Luk Aa Chwera Tɔn 20:42

Aah Devid ɡbabir bol waa Korowii Yela Tɔn la bobɛl ŋɔ, ‘N Naa Korowii ŋɔ n Dɔɔ be ŋɔ so nomombɔr n diɡ ta

Amanesoma Luk Aa Chwera Tɔn 4:16

O ba Nasarɛt bela baa dɛɛro la, asɛ ɡɛ o yon dɛɛ ɛ Ona Tɔpere bɛlbwa la, o la cheremi dea, dɛ ir che ŋɔ ó kure Korowii Tɔn la.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Luk Aa Chwera Tɔn 4:20

Ate, Yeesu kure tɔn la tonɛ dɛ laa tɔ, dɛ kpɔ do nɛn waa dɛ nyiŋi cheremi dea bela la nɔn ta, dɛ so harɛ. Asɛ nɛra baa lɔ cheremi dea bela la bwa kpɔ sie pa o nɛɛ dɛɛ nyiŋu fuuu ken.

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

We-ɛɛla 7:42

Asɛ Korowii berɛ habɔɔ kpo ba, dɛ ɡel baa ɛ ba tetoowaa dɛɛ tomɛ wee ne korobie ne weweela aa lɔ nyundua la. Gɛɛ ba chwerɛ Korowii Keamere Tɔn ta la ŋɔ, ‘Israel tena, he fa aa lɔ pua hɛŋle ɡbo harɛ ta bene lafraanaarɛ la, menee he fa kpoo kondɛɛra dɛɛ tɛ la aa?