Amanesoma Luk Aa Chwera Tɔn 24:39 - mzwDBL

³⁹ Hé nyiŋi n nɔɔra ne n napaala, ásɛ dɛ jemɛ kɛŋɔ menee. Hé laɡ mɛ dɛ na, dɛkalkɛŋɔ lale ta bwadabii ne hoɡa dɔe ɡɛ haa na mɛ n che nɔ.”

Amanesoma Luk Aa Chwera Tɔn 24:39 ပူးပေါင်းရင်းမြစ်များ

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

Amanesoma Luk Aa Chwera Tɔn 24:38

Asɛ o bɔɔ ba ŋɔ, “Bɔkwaa ɡela he bambile chɔɡ nɔɔ? Bɔkwa waa hɛɛ ɛ aahna aahna nɔɔ?

Amanesoma Luk Aa Chwera Tɔn 24:40

Yeesu bol ɡɛ waa nɔ dɛ kpɔ o nɔɔra ne o napaala baɡ ba.

Amanesoma Jɔn Aa Chwera Tɔn 20:20

Waa bol ɡɛ la, o kpɔ o nɔɔra ne o loŋi baɡ ba, asɛ ba sie lɛ kohona kɛŋɔ baa na ba Dɔɔ la.

Amanesoma Jɔn Aa Chwera Tɔn 20:25

Anomanta, dɛ ba dɛ bol o be ŋɔ, “Ya na ya Dɔɔ la.” Asɛ o chaŋ ba ŋɔ, “Dɛ n te ta dadowɛre la buɡe aa lɔ o nɔɔra ta la nae, dɛ kpɔ n nonii do bela, dɛ berɛ kpɔ n nɔn do o loŋi bela baa kpɔ lampea yaɡɛ la aa, maa waa nɔɔ yarada.”

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

We-ɛɛla 1:3

Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.