Amanesoma Luk Aa Chwera Tɔn 24:36 - mzwDBL

³⁶ A ɡɛ saŋ nɛra banɛ la aa bol ɡɛ waa la dɛɛ baɡ ba la, buɡ la ta, dɛ Yeesu denɔ ba che ba baah ta dɛ ŋɔ, “Kórowii tɛ heyaa bosɔɔhna.”

Amanesoma Luk Aa Chwera Tɔn 24:36 ပူးပေါင်းရင်းမြစ်များ

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Matiu 10:13

Dɛ dem bela tena lɛ heyaa silɛɛ ne naa, baa dɔ bosɔɔhna dem belaa. Kɛ dɛ ba ta heyaa lɛɛ silɛɛ ne naa, baa bosɔɔhna dɔe ba.

Amanesoma Mak Aa Chwera Tɔn 16:14

A habɔɔ la, o kpɔ o te chaɡle o habɔteŋra fi dɛ beŋkpoŋ la, dɛ ba dɛ di kwa. O pwaah ba ba yarada nyae ne ba bambikpeɡ la waa kɛŋɔ baa wola ba bala baa tɔ sie nao la yaradae la.

Amanesoma Luk Aa Chwera Tɔn 10:5

Dem haa ka choɡ o ta la, hé tɔ sie ŋɔ, ‘Kórowii tɛ dem nɔ tena bosɔɔhna!’

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

We-ɛɛla 1:3

Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta.

1 Kɔrent 15:5

Pitaa tɔ sie nao, mɔɔ o habɔteŋra fi dɛ banɛ la bwa nao,

1 Kɔrent 15:7

A habɔɔ la, Jems nao, asɛ Yeesu toroma bwa nao.

2 Tesalonika 3:16

Ya Dɔɔ Yeesu Kristo la ɡbaɡba waa dɔ bambisɔn kɛrɛdɛ la, ó tɛ heyaa bambisɔn saŋ bɛlbwa, wobɛlbwa ta, dɛ ja he bwa nɛ.

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,