Amanesoma Luk Aa Chwera Tɔn 23:34 - mzwDBL

³⁴ Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Luk Aa Chwera Tɔn 23:34 ပူးပေါင်းရင်းမြစ်များ

Mumpar 50:17

o ŋɔ ya ŋɔ he be ŋɔ, ‘Hé kpɔ ya wechɔɡa yaa ɛɛ la bwa kɛ yaa. Ya dɛ soŋe, kpɔ ya wechɔɡa kɛ yaa. Kpɔ Korowii he mɛɛ aa tomɔ la bonɔɔna wechɔɡa kɛ yaa.’ ” Waa la aa tel o be la, o wio.

Yela 22:18

Ba ta chacha n laala wa, dɛ bɔna kpɔ.

Aesaya 53:12

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 11:26

Jam, n Mɛɛ. Gɛɛ wera he be.”

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Amanesoma Mak Aa Chwera Tɔn 15:24

Ba foo o laala, dɛ kpaa o nɔɔra ne o nakpale pɛl daɡaɡre ta. Dɛ soojare la dɛ nyin Yeesu laala bɔna, dɛ ta chacha mɔɔ dɛ́ won jemɛ laala ba bɛlbwa aa di.

Amanesoma Luk Aa Chwera Tɔn 22:42

dɛ ŋɔ, “N Mɛɛ, hɛɛ sɛoh waa, bɛ ɡel n na a ɡɛ wahala haa ŋɔa ń na nɔ. Kɛ ɛ he tetoora dɛ́ ɡel n tetoora.”

Amanesoma Jɔn Aa Chwera Tɔn 17:9

N dɛ soŋe dɛɛ tɛɛ ba. Harɛ nɔ ta nɛra bwa laa n soŋe dɛɛ tɛ. Banɔ la haa kpɔ ba tɛ mɛ laanee n soŋe dɛɛ tɛ, dɛkalkɛ henee dɔɔ ba.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

We-ɛɛla 16:28

Asɛ Pɔɔl do lɔŋɔ kpeɡri nɛɛ ŋɔ, “Bɛ he te kpo! Ya bwa lole!”

We-ɛɛla 3:17

Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Tɔn Pɔɔl Aa Chwerɛ Rom Tena 12:14

Hé soŋe andɛɛɡa Korowii be dɛɛ tɛ nɛra baa cheɡɛ he nɛ. Hé soŋe andɛɛɡa dɛɛ tɛɛ ba, he bɛ wechɔɡa soŋe dɛɛ tɛɛ ba.

1 Kɔrent 2:8

Harɛ nɔ ta nomonjena fa ta a ɡɛ wejema nɔ mun noɛ. Dɛ ba fe no a mun aa, ba fe ta ɡelɛ ba kpo ya Dɔɔ la waa dɔ jirima la daɡaɡre ta.

1 Kɔrent 4:12

Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.