Amanesoma Luk Aa Chwera Tɔn 23:33 - mzwDBL

³³ Ba kaa tel bobɛl baa dɛ yerɛ bela Nyuhoɡ Bɔr. Belaa ba kpaa Yeesu pɛl daɡaɡre ta, dɛ kpaa wechɔɡ-ɛɛra la ɡe pɛl daɡaɡra ta, dɛ kpɔ bɛl pa Yeesu diɡ ta, bɛl ɡe pa o ɡal.

Amanesoma Luk Aa Chwera Tɔn 23:33 ပူးပေါင်းရင်းမြစ်များ

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Amanesoma Luk Aa Chwera Tɔn 24:7

O fa ta ŋɔe ŋɔ a chɛ kɛŋɔ bá le o Nɛn Bie tɛ nɛnchɔɡa, ba kpaaro pɛl daɡaɡre ta ásɛ a tɔpetooro wee la ó ir seo ta naa?”

Amanesoma Jɔn Aa Chwera Tɔn 18:32

Gɛ waa nɔ chiɡo ásɛ nɛra jemɛ kɛ Yeesu waa waa bola dɛ baɡle seo la soo waa dɛ ba sewa la ɛ kpela.

Amanesoma Jɔn Aa Chwera Tɔn 3:14

Gɛ saŋ ya naawa aa lɔ pua hɛŋle ɡbo harɛ ta la, Korowii keame Mosis la fa kpɔ buni dɛ loɡɛ harɛkon dɛ kpɔ do daa ta dɛ ɡɔɔro ásɛ nɛra nyiŋu dɛ bɛ dɛɛ sewɛ. Gɛɛ a chɛ kɛ ba ɡɔɔ Men Nɛn Bie la.

We-ɛɛla 13:29

Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

We-ɛɛla 5:30

Korowii la ya naawa aa dɛ tomɔ laanee ir Yeesu la haa kpaaro pɛl daɡaɡre ta dɛ kpoo la.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.