Amanesoma Luk Aa Chwera Tɔn 22:69 - mzwDBL

⁶⁹ Le taraken dɛɛ kaa la, Men Nɛn Bie la ɛɛ so Korowii Waa Ɛ Kpeɡnɛn diɡ taa.”

Amanesoma Luk Aa Chwera Tɔn 22:69 ပူးပေါင်းရင်းမြစ်များ

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Matiu 22:44

‘N Naa Korowii ŋɔ n Dɔɔ be ŋɔ ó so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Luk Aa Chwera Tɔn 22:68

n berɔ bɔɔ heyaa waane ɡe oo, haa men chaŋe.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

Kolosi 3:1

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.