Amanesoma Luk Aa Chwera Tɔn 22:53 - mzwDBL

⁵³ N ne haa lɔ Korowii Dea tɔpere bɛlbwa la, ɛrɛɛ haa wola men lawɛ bela ɔ? Taraken nɔ bɔr aa bira nɔ he dɔ ŋwɛnɛ kɛ he ba laɡ mɛ.”

Amanesoma Luk Aa Chwera Tɔn 22:53 ပူးပေါင်းရင်းမြစ်များ

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Amanesoma Luk Aa Chwera Tɔn 22:52

Belaa Yeesu bɔɔ Sɔfonomonome, ne nɛra baa dɛ daah Korowii Dea nomoa, ne ba bwɛɛ nomonome baa bala dɛ́ ba lawɔ la ŋɔ, “Ŋwɛɛree men he kpoŋe tokobie ne ɡule dɛ ba laɡ mɛ naa?

Amanesoma Luk Aa Chwera Tɔn 22:54

Ba lawɛ Yeesu dɛ kpɔɔ dɛɛ kaa Sɔfonomoa dem, dɛ Pita ne ba baah tɛrɔ, asɛ o teŋɛ ba nɛ.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Amanesoma Jɔn Aa Chwera Tɔn 13:30

Judas aa lɛ paanoo la dɛ di tonɛ la, o den le ba be bela kaa. Dɛ jwaanaa.

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 7:45

Belaa nɛra baa dɛ daah Korowii Dea la berɛ kaa Sɔfonomonome ne Farisii tena la be dɛ ka bol, asɛ ba ɡe bɔɔ ba ŋɔ, “Ɛrɛɛ he ta on lawɛ ba nɔ?”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.