Amanesoma Luk Aa Chwera Tɔn 22:41 - mzwDBL

⁴¹ Waa ŋɔ ɡɛ la, o le ba jwɛɛh dɛ kaa sie tama, dɛ ka ɡuŋi dɛɛ soŋe Korowii,

Amanesoma Luk Aa Chwera Tɔn 22:41 ပူးပေါင်းရင်းမြစ်များ

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Amanesoma Mak Aa Chwera Tɔn 14:35

Asɛ o la sie tama dɛ ka pi harɛ, dɛ soŋe Korowii ŋɔ a fe ɛɛ maɡroo waa, waa aa dɛ ba la fe bɛ o nɛɛ chiɡ.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

We-ɛɛla 20:36

Pɔɔl aa bol waa tonɛ la, o ɡuŋi harɛ, asɛ o ne ba soŋe Korowii.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

We-ɛɛla 9:40

Pita doŋi ba bwa le buse dɛ ɡuŋi harɛ, dɛ soŋe Korowii, dɛ berɛ sie lale la be dɛ ŋɔ, “Tabita, ir!” Haah la pili o sie. Waa na Pita la, o iro so.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.