Amanesoma Luk Aa Chwera Tɔn 22:35 - mzwDBL

³⁵ Asɛ Yeesu bɔɔ o habɔteŋra la ŋɔ, “N fa aa tomɛ heyaa ŋɔ hé ka bol Amanesoma la, dɛ ŋɔ he bɛ suuɡa kpɔ, he bɛ pure ne naŋɡawa kpɔ la, komɛl nya heya aa?” Asɛ ba ŋɔ, “Komɛlbwa sese ta yaa nyae.”

Amanesoma Luk Aa Chwera Tɔn 22:35 ပူးပေါင်းရင်းမြစ်များ

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

1 Koranar 11:22

Anee Ijipt Kooro bɔɔro ŋɔ, “Bɔkwaa hɛɛ nyin n ta hen tɛɛ hɛɛ nyin he berɛ kaa he harɛ ta nɔ?” Hadad chaŋe ŋɔ, “Wobɛlbwa laa, he te tɛ mɛ ŋwɛnɛ ásɛ n berɛ kaa.”

Yela 23:1

Korowii do kɛ peteɡre dɛɛ nyiŋi n nɛ, komɛlbwa aa men nya.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Amanesoma Luk Aa Chwera Tɔn 10:4

He bɛ suuɡa pure kpɔ, he bɛ pure haa kpɔ laala dɛɛ do a bini ɡba kpɔ, he bɛ naŋɡawa bele anɛnɛ kpɔ. He bɛ ka jaɡɛ che ŋwɛnɛ ta dɛɛ jam nɛra wobohweeh ne.

Amanesoma Luk Aa Chwera Tɔn 22:34

Belaa Yeesu ŋɔ, “Ai, Pita! Jabal loɡle ne sii fini dɛ he tɔɔh kera atoro ŋɔ haa men jemɛ.”

Amanesoma Luk Aa Chwera Tɔn 22:36

Anee Yeesu ŋɔ, “Name te nomɛlbwa waa dɔ suuɡa kɛɛ bone la, ó kpɔ, ásɛ nomɛlbwa waa wola dɔmkon dɔe la ɡe yoɡ o yal dɛ́ kpɔ yawɛ bɛl.

Amanesoma Luk Aa Chwera Tɔn 9:3

Waa dɛ tom ba la, o ŋɔ ba be ŋɔ, “He bɛ komɛlbwa kpɔ kpoŋe he ŋwɛnɛ nɔ kaala ta. He bɛ daŋɡbale kpɔ, he bɛ pure kpɔ, he bɛ kondikwaa kpɔ, dɛ bɛ suuɡa kɛɛ batakaare bele anɛnɛ kpɔ.

2 Kɔrent 8:15

Anee ba chwerɛ Korowii Tɔn bini la. “Naate waa pa kondikwaa kohona la, kondikwaa ta o nɛɛ ɡwaalɛ. Naate waa wola kondikwaa pae kohona la, o ta kondikwaa nyae.”

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.