Amanesoma Luk Aa Chwera Tɔn 22:33 - mzwDBL

³³ Anee Pita chaŋo ŋɔ, “N Dɔɔ, n cheɡɔ kɛ bá do n ne hen dea. Seo kwaraa yaa, n ne hɛɛ sewɔɔ.”

Amanesoma Luk Aa Chwera Tɔn 22:33 ပူးပေါင်းရင်းမြစ်များ

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Jeremia 10:23

N Naa Korowii, nomɛlbwa ta o nyokala kpeɡri dɔe, bɛlbwa ɡe aa won jemɛ o soɡa waa bini.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”

Amanesoma Mak Aa Chwera Tɔn 14:29

Anee Pita ŋɔ o be ŋɔ, “Dɛ n bala nɔ bwa chwao ɡele kwara naa, n te aa chwa ɡele!”

Amanesoma Mak Aa Chwera Tɔn 14:31

Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa!” Gɛɛ o habɔteŋra la bwa ŋɔ baa o habɔɔ le bwa.

Amanesoma Luk Aa Chwera Tɔn 22:34

Belaa Yeesu ŋɔ, “Ai, Pita! Jabal loɡle ne sii fini dɛ he tɔɔh kera atoro ŋɔ haa men jemɛ.”

Amanesoma Luk Aa Chwera Tɔn 22:57

Anee Pita tɔh pelepele ken dɛ ŋɔ tolo la be ŋɔ, “Maa on jemɛ kwara!”

Amanesoma Jɔn Aa Chwera Tɔn 13:38

Anee Yeesu berɛ bɔɔ ŋɔ, “Kpelaa kɛŋɔ hɛɛ won koh n waa sewaa? Kasinteŋ, n dɛ ŋɔ he be, jabal loɡle ne sii dɛ he tɔɔh kera atoro ŋɔ haa men jemɛ kwaraa.”

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”