Amanesoma Luk Aa Chwera Tɔn 22:32 - mzwDBL

³² Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Luk Aa Chwera Tɔn 22:32 ပူးပေါင်းရင်းမြစ်များ

Matiu 18:3

asɛ dɛ ŋɔ, “Kasinteŋ, he ta he liire charɛ dɛ do kɛŋɔ bechajeɡre aa, haa won ja Korowii Kora la ta bwa.

Matiu 26:75

asɛ Pita lii ɡɛ Yeesu fa aa ŋɔ o be ŋɔ, “Jabal ne sii dɛ he tɔɔh ŋɔ haa men jemɛ kera atoro bwa” la. Waa lii a ɡɛ waa nɔ la, o le dahara dɛ ka wi lokua ne.

Amanesoma Mak Aa Chwera Tɔn 14:72

Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.

Amanesoma Mak Aa Chwera Tɔn 16:7

Hé la dɛ ka ŋɔ o habɔteŋra la ne ba dɔŋ Pita be ŋɔ o dɛ tɔ sie kaa Galilia harɛ. Belaa hɛɛ ba o nae ɡɛ o fa aa bola la.”

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Jɔn Aa Chwera Tɔn 14:19

A ka tama, nɛra baa dɔ harɛ nɔ ta ɡbo liire aa men na kpa, kɛ he te ɛɛ na mɛɛ. Maa dɔ mkpa nomanta, he ɡee dɔ mkpaa.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

2 Timoti 2:18

Banee nyoɡre kasinteŋ waa la ŋwɛnɛ, dɛ kaa baɡle nɛra ŋɔ seo ta ira tɔpere la ɡarɔ, dɛɛ chɔɡ nɛra baa yarada Amanesoma la bane liire waa baa yaradaa la ta.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.